Արդյո՞ք ԱՄՆ-ն պատրաստակամ է պաշտպանել Հայաստանի տարածքային ամբողջականությունը․ քաղաքագետ

Քաղաքագետ Արթուր Խաչիկյանը հարցեր է բարձրացնում Վաշինգտոնում վերջերս կնքված համաձայնագրի վերաբերյալ․ 

1) Արդյո՞ք Միացյալ Նահանգները երաշխավորում և պատրաստակամ է պաշտպանելու Հայաստանի տարածքային ամբողջականությունը, ինչպես դա արեց Իսրայելի կամ Թայվանի դեպքում

2) Արդյո՞ք ԱՄՆ-ն ասաց, որ չի հանդուրժի ագրեսիան Հայաստանի դեմ և օգնության կգա Հայաստանին, եթե նրա վրա հարձակվեն:

3) Արդյո՞ք ԱՄՆ-ը հայտարարել է, որ զենք և ռազմական օգնություն է ուղարկելու Հայաստանին (18 միլիարդ Իսրայելին և ավելի քան 120 միլիարդ Ուկրաինային)

4) Արդյո՞ք ԱՄՆ-ը հայտարարել է, որ պատրաստվում է ռազմաբազա տեղակայել Հայաստանում:

5) Քանի որ Իսրայելը և Թուրքիան Ամերիկայի ամենակարևոր դաշնակիցներն են, իսկ Ադրբեջանը՝ նրանց դաշնակիցը, ի՞նչ շահեր ունի Ամերիկան՝ նրանցից պաշտպանելու Հայաստանը։

6) Արդյո՞ք Ամերիկան ​​Ադրբեջանի դեմ պատժամիջոցներ սահմանեց Ղարաբաղի էթնիկ զտումներից կամ Ջերմուկի վրա հարձակումից հետո: