Վարդան Ղուկասյանի նամակը՝ ԱՄՆ դեսպան Քրիստինա Քվինին

«ԴՕԿ» կուսակցության հիմնադիր Վարդան Ղուկասյանը նամակ է ուղարկել ԱՄՆ դեսպան Քրիստինա Քվինին, որում մասնավորապես ասվում է․

«Հարգելի ԱՄՆ դեսպան Քրիստինա Քվին՝

«Դեմոկրատիա, Օրենք, Կարգապահություն» կուսակցությունը՝ Պատվավոր Նախագահ Վարդան Ղուկասյանի գլխավորությամբ իր խորին շնորհակալությունն է հայտնում ԱՄՆ Պետքարտուղարությանը՝ վերջերս հրապարակված մարդու իրավունքների մասին տարեկան զեկույցում խստորեն դատապարտելով Հայաստանի կառավարության կողմից իրականացվող խոշտանգումների, դաժան, անմարդկային կամ նվաստացնող վերաբերմունքի քաղաքականությունը։

Վերոնշյալ զեկույցում լրջորեն քննադատվում է կամայական ձերբակալություններն ու կալանքները, ինչպես նաև լրջագույն խնդիրներ էր արձանագրվում դատական իշխանության անկախության հետ կապված։

Ցավոք սրտի, Հայաստանի Հանրապետության իշխանությունը Նիկոլ Փաշինյանի գլխավորությամբ, ինչպես նաև ՀՀ Քննչական Կոմիտեի նախագահ Արգիշտի Քյարամյանը հետևություններ չեն արել ԱՄՆ Պետքարտուղարության այս զեկույցից և շարունակում են խոշտանգումների, դաժան, անմարդկային և նվաստացնող վերաբերմունքի քաղաքականության շարունակումը և կատարելագործումը, որը կիլոմետրերով հեռու է դեմոկրատական արժեքներից։

Այս անգամ խոշտանգման դեպքը տեղի է ունեցել 2024 թվականի Ապրիլի 19-ին Շենգավիթի Քննչական բաժնում՝ Ոստիկանության փոխգնդապետ, նախկին Սիսիան և Մարտունի քաղաքների ոստիկանության պետ Գարիկ Մուրադյանի նկատմամբ։ Նամակին կից Ձեզ ենք ներկայացնում մի ձայնագրություն, որտեղ կարող եք ինքներդ լսել Կուսակցության պատվավոր նախագահ և «Հանրային Դատ» հաղորդաշարի հեղինակ և վարող Վարդան Ղուկասյանի հաղորդման մի հատված, որում պարզ լսվում է Խոշտանգվող Գարիկ Մուրադյանի ձայնը։

Հատկանշական է, որ խոշտանգումը տեղի է ունենում Գարիկ Մուրադյանի փաստաբան Վահան Հովհանիսյանի ներկայությամբ։ Խոշտանգման անմիջական մասնակիցներն են՝ գործով քննիչ Գևորգ Խաչատրյանը, Շենգավիթի քննչական բաժնի պետի երկու տեղակալները, 4 ոստիկանության՝ օպերատիվ հեախուզության ծառայող, ինչպես նաև օպերատիվ-հետախուզական բաժնի պետ՝ Գևորգ Բարեյանը։ Խոշտանգման ընթացքում ոտքերով կանգնել են Գարիկ Մուրադյանի դեմքին, ձեռքերը փորձել են կոտրել, գլուխը հարվածել են սեղանին։ Այս դաժան նվաստացնող և անմարդկային վերաբերմունքը տեղի է ունեցել գործով անցնող վկայի նկատմամբ։

Ձայնագրության մեջ պարզ լսվում է որ Գարիկ Մուրադյանը խնդրում է բժշկական օգնություն՝ սրտի շրջանում ցավեր զգալով, սակայն Քննչական կոմիտեյի հանցագործների բանդան շարունակում է 1 ժամից ավել խոշտանգել վկային որից հետո նոր միայն Գարիկ Մուրադյանը ստանում է բժշկական օգնություն։

Արդեն միքանի տասնյակի հասնող խոշտանգումների, մարդու իրավունքների ոտնահարումների, դաժան, անմարդկային և նվաստացնող վերաբերմունքի դրվագները արձանագրում են որ ՀՀ իշխանությունը Նիկոլ Փաշինյանի ղեկավարությամբ և ՀՀ Քննչական Կոմիտեյի ղեկավար Արգիշտի Քյարամյանի միջամտությամբ Հայաստանի Հանրապետությունը հեռացրել են Դեմոկրատական պետություն կոչվելու բոլոր հնարավորություններից։

Ուստի հորդորում ենք ձեզ դատապարտել Հայաստանի իշխանությունների կողմից մարդու իրավունքների այս աղաղակող խախտումները և պահանջել անհապաղ գործողություններ՝ բոլոր խոշտանգվածների համար պատասխանատվություն, թափանցիկություն և արդարություն ապահովելու համար։

Նման վայրագությունների դիմաց լռությունը կամ անտարբերությունը հնարավորություն կտա նորանոր խոշտանգումների և մարդու իրավունքների խախտումների իրականացման համար։

Ձեր ձայնը և ձեր գործողությունները այս կրիտիկական պահին համերաշխության և զորակցության հզոր ուղերձ կհղեն հայ ժողովրդին, որը շարունակում է տառապել ճնշումների և անարդարության պատճառով»։

Ամենայն հարգանքով՝ Վարդան Ղուկասյան

«Դեմոկրատիա, Օրենք, Կարգապահություն» կուսակցության Պատվավոր Նախագահ

Այս թեմայով Կիրանցի ճանապարհին բռնության է ենթարկվել ազատամարտիկ Մելքոն Թամրազյանը Բաքվում սարսափում են, որ Իրանի նախագահի ուղղաթիռի վթարի պատճառները կարող են կապվել իսրայելական միջամտության հետ. Վարդան Ոսկանյան Դեսպան Տիգրան Գալստյանը հանդիպել է Ռումինիայի ԱԳՆ Ֆրանկոֆոնիայի հարցերով ազգային համակարգող Ամիրա Միհայլեսկուի հետ Սնանկ է ընկալումը, թե Հայաստանում առաջնորդության այլընտրանք չկա․ Վարդան Ոսկանյան Դեսպան Բաղդասարյանն իր հավատարմագրերն է հանձնել Վիետնամի նախագահի պաշտոնակատարին Վարդան Մինասյանն ու նրա օգնականը չեն վերցրել իրենց մեդալները՝ ՀՖՖ-ի հետ տարաձայնության պատճառով Ադրբեջանը 5 ամսով երկարաձգել է Արկադի Ղուկասյանի կալանքը Վարդան Ղուկասյանը հանդես է եկել հայտարարությամբ Այս լուսանկարը չհուսալքվելու, տասնյակ հազարավոր մարդկանց մեջ բանականությունն արթնացնելու մասին է․ Վարդան Ոսկանյան Դեսպան Աննա Աղաջանյանն իր հավատարմագրերն է հանձնել Իսլանդիայի նախագահ Գուդնի Յոհաննեսոնին