Եղիշե Չարենցի տուն-թանգարանի անձնակազմը և բանաստեղծի թոռնուհին հանդիպել են ազատազրկված անձանց հետ, այցելել այն խուցը, որտեղ պահվել է Չարենցը

Այսօր՝ օգոստոսի 16-ին, ՀՀ ԱՆ «Դատապարտյալների հիվանդանոց» քրեակատարողական հիմնարկի սոցիալական, հոգեբանական և իրավական աշխատանքների բաժնի նախաձեռնությամբ կազմակերպվել է մշակութային միջոցառում՝ նվիրված հայ մեծանուն բանաստեղծ Եղիշե Չարենցին։ Միջոցառմանը ներկա են եղել Քրեակատարողական ծառայության պետի առաջին տեղակալ, արդարադատության գնդապետ Սահակ Գիգորյանը և կենտրոնական մարմնի ստորաբաժանումների ղեկավարներ։

Հիմնարկ են այցելել Եղիշե Չարենցի տուն-թանգարանի տնօրեն Ժաննա Մանուկյանը, բանաստեղծի թոռնուհի Գոհար Բազյան-Ջերրահյան Չարենցը և թանգարանի այլ աշխատակիցներ։ Նախ՝ ազատազրկված անձանց և ներկաների համար ցուցադրվել են «Չարենց․ մահվան տեսիլ» և «Չարենց․ մի ճրագ մթում» վավերագրական ֆիլմերից հատվածներ, ապա՝ ընթացել է քննարկում ականավոր բանաստեղծի ստեղծագործական կյանքի և բանտարկման ժամանակաշրջանի մասին։

Այնուհետև հյուրերը Սահակ Գրիգորյանի և հիմնարկի պետի ժամանակավոր պաշտոնակատար, արդարադատության փոխգնդապետ Ռոբերտ Թամարյանի ուղեկցությամբ շրջայց են կատարել հիմնակի տարածքում, այցելել են այն խուցը, որտեղ պահվել է Եղիշե Չարենցը։

Ավարտին թանգարանի անձնակազմը «Դատապարտյալների հիվանդանոց» քրեակատարողական հիմնարկի գրադարանին նվիրել է Չարենցի, Սևակի և Շիրազի գրքերից։ Բացի այդ՝ Քրեակատարողական ծառայության առաջարկությամբ պայմանավորվածություն է ձեռք բերվել նմանատիպ միջոցառում անցկացնել մյուս քրեակատարողական հիմնարկներում ևս, ինչպես նաև կազմակերպել ազատազրկված անձանց հեռավար «այցելությունը» Եղիշե Չարենցի տուն-թանգարան։

Այս թեմայով Փոփոխություններ են կատարվել արցախցիներին բնակապահովման պետական աջակցության ծրագրի ընթացակարգում Նեթանյահուն հերքել է Լիբանանի հետ հնարավոր զինադադարի մասին տեղեկությունը Ավինյանը ՀԷՑ-ի տնօրենների հետ քննարկել է մայրաքաղաքի փոքր կենտրոնի էներգամատակարարման ցանցի արդիականացման ծրագիրը Փաշինյանը Նյու Յորքում հանդիպել է Հնդկաստանի վարչապետ Նարենդրա Մոդիի հետ «Փաստ». Հայաստանում կգործարկվի ընտանեկան և կենցաղային բռնություն գործադրած անձանց ռեաբիլիտացման ծրագիրը. նախագիծ