Ադրինե Աճեմյանը, Ալբերտ Սաֆարյանը, Էմմա Սապունջյանն ու այլ հայտնի դերասաններ՝ «Ծով աչքերի պատճառով» հեռուստասերիալում

«Ծով աչքերի պատճառով» հեռուստասերիալը Արմենիա TV-ի եթերում կլինի hոկտեմբերի 2-ից: Սցենարի հեղինակը Անահիտ Մխիթարյանն է, ռեժիսորը Գոհար Արշակյանը, պրոդուսերը Ելենա Արշակյանը:

«Նախագծում նկարահանվում են  դերասաններ, որոնց հետ արդեն ունենք աշխատելու փորձ `Ալբերտ Սաֆարյան, Արման Ղազարյան, Արմինե Պողոսյան, Անի Պետրոսյան»,- Tert.am Life-ի հետ զրույցում պատմեց սցենարի հեղինակ Անահիտ Մխիթարյանը:

Երիտասարդ դերասաններից ներգրավված են Նարեկ Մկրտչյանը, Հակոբ Տեր Վարդանյանը, Արսեն Լևոնյանը, Ադրինե Աճեմյանը:

«Ադրինեն  առաջին անգամ որպես դերասանուհի ներկայացել է կրկին մեզ մոտ «Սերը երբեք չի մոռանում» հեուստասերիալում: Կան դերասաներ՝ Նոնա Սաֆարյան, Էմմա Սապունջյան, որոնց հետ առաջին անգամ ենք աշխատում»,- նշեց սցենարիստը:

«Ծով աչքերի պատճառով» հեռուստասերիալը սիրո պատմություն է, որի հիմքում ընտանեկան գաղտնիքներն են:

«Տարիներ առաջ ողբերգական վթարը,  բաժանում է  հերոսներին   հիմա նրանք գտնում են իրար: Չեմ ուզում բացել փակագծերը, որ դիտողի համար հետաքրքիր լինի, կասեմ միայն որ ինչպես «Լեռները կհիշեն» սերիալում, այստեղ նույնպես շարունակելու ենք սյուժեին զուգահեռ ցուցադրել մեր մշակութային վայրերը, եկեղեցիները ու պատմել դրանց պատմությունը: Կբացեմ մի փոքր գաղտնիք, որ  մեր պատմության, ու մշակույթի հետքերով եղել ենք նաև Հայաստանից դուրս: Կարծում ենք, կարևոր է՝ օգտագործելով մեծ լսարան ունեցող նախագիծը, անդրադառնալ մեր  մշակութային ժառանգությանը»,- մեզ հետ զրույցում պատմեց Անահիտ Մխիթարյանը: