Նարեկ Մկրտչյանը Ժնևում հանդիպում է ունեցել Աշխատանքի միջազգային կազմակերպության գլխավոր տնօրենի հետ

Աշխատանքի և սոցիալական հարցերի նախարար Նարեկ Մկրտչյանը Ժնևում հանդիպում է ունեցել Աշխատանքի միջազգային կազմակերպության (ԱՄԿ) գլխավոր տնօրեն Գիլբերտ Հունգբոյի հետ։ Հանդիպման ընթացքում քննարկվել են աշխատանքի, զբաղվածության ոլորտում համագործակցության հետագա ուղղություններին առնչվող մի շարք հարցեր։ Նախարար Մկրտչյանը բարձր է գնահատել ԱՄԿ հետ սերտ և արդյունավետ համագործակցության դերը՝ միաժամանակ կարևորելով կազմակերպության շարունակական աջակցությունը ոլորտային բարեփոխումների իրականացման գործում։ Ներկայացնելով ԱՍՀ նախարարության կողմից սահմանված գերակայություններն ու այդ ուղղություններով իրականացվող աշխատանքները՝ նախարարը, մասնավորապես՝ խոսել է Զբաղվածության ռազմավարությամբ ամրագրված առաջնահերթությունների, Աշխատանքային օրենսգրքում իրականացված լայնածավալ փոփոխությունների, ԼՂ-ից բռնի տեղահանված անձանց ուղղված աջակցության ծրագրերի և այլնի մասին։

Այս համատեքստում անդրադարձ է կատարվել նաև սոցիալական գործընկերության ուղղությամբ իրականացվող աշխատանքներին։ Գիլբերտ Հունգբոն ևս ընդգծել է աշխատանքի և զբաղվածության ոլորտում արդեն իսկ ձևավորված արդյունավետ համագործակցության կարևորությունը և այդ համատեքստում դրական գնահատել ոլորտում արձանագրված առաջընթացը։ Աշխատանքի միջազգային կազմակերպության (ԱՄԿ) գլխավոր տնօրենը նաև դրական է արձագանքել նախարար Մկրտչյանի՝ սոցիալական արդարության և արժանապատիվ աշխատանքի վերաբերյալ նախատեսվող միջազգային համաժողովին մասնակցելու հրավերին։ Հանդիպման ավարտին կողմերը համագործակցության շարունակականության պատրաստակամություն են հայտնել․ պայմանավորվածություն է ձեռք բերվել ընթացք տալ քննարկված հարցերին։ 

Այս թեմայով Մայր Աթոռ Ս. Էջմիածնում տեղի ունեցավ միջեկեղեցական պատվիրակությունների ու ներկայացուցիչների հանդիպում Նարեկ Հախնազարյանը համագործակցության է հրավիրում երաժիշտների Մայր Աթոռ Ս. Էջմիածնում տեղի ունեցավ միջեկեղեցական պատվիրակությունների ու ներկայացուցիչների հանդիպում Նարեկ Մկրտչյանը մասնակցել է Հնդկաստանի օրվան նվիրված միջոցառման նախարարական ընդունելությանը Պոլիտեխնիկի Կապանի մասնաճյուղի տնօրենի ժ/պ-ն իրավապահների ստուգումների ժամանակ ազատված է եղել աշխատանքից․ մանրամասներ