Նախորդ շաբաթվա համեմատ` կարմրուկի լաբորատոր հաստատված դեպքերն աճել են 27-ով

Կարմրուկով հիվանդանում են հիմնականում չպատվաստված կամ թերի պատվաստված անձինք: 

ՀՀ առողջապահության նախարարությունից հայտնում են, որ նախորդ շաբաթվա համեմատ` կարմրուկի լաբորատոր հաստատված դեպքերն աճել են 27-ով:

Կարմրուկը սուր վիրուսային խիստ վարակիչ անթրոպոնոզ հիվանդություն է:

Վիրուսը փոխանցվում է օդակաթիլային ճանապարհով:

Վիրուսի փոխանցումը աղտոտված իրերի և երրորդ անձի միջոցով բացառվում է:

Կարմրուկի դեմ պատվաստումները կատարվում են 2 դեղաչափով:

Ըստ պատվաստումների ազգային օրացույցի 1-ին` դեղաչափը՝ 12 ամսականում, 2-րդ դեղաչափը՝ 4-6 տարեկանում: