Ուկրաինայի պետական ​​պարտքը երեք ամսում ավելացել է 3,2 մլրդ դոլարով

Ուկրաինայի պետական ​​պարտքը երեք ամսվա ընթացքում ավելացել է 3,2 մլրդ դոլարով՝ հասնելով 155,36 մլրդ դոլարի։ Այդ մասին հաղորդվում է երկրի ֆինանսների նախարարության կայքում:

Ընդ որում, պետական ​​և երաշխավորված արտաքին պարտքը հուլիսի 31-ի դրությամբ հասել է 112,92 մլրդ դոլարի, ինչը կազմում է ընդհանուր գումարի 72,69 %-ը։

Ավելի վաղ ֆինանսական գերատեսչությունը հայտնել էր, որ տարեսկզբից ռազմական կարիքների համար Ուկրաինայի բյուջեի ծախսերը կազմել են ավելի քան 24 մլրդ դոլար, ընդ որում, միայն հուլիսին բյուջեի միջոցներից ծախսվել է 3,9 մլրդ դոլար։

Ուկրաինայում 2024 թվականի բյուջեի դեֆիցիտը նախատեսված է 43,9 մլրդ դոլարի չափով: Մեծ մասն իշխանություններն ակնկալում են ծածկել Արևմուտքի օգնության հաշվին։ Երկրի ֆինանսների նախարար Սերգեյ Մարչենկոն հայտարարել է, որ բյուջեն ամեն ամիս գործընկերներից 3 մլրդ դոլարի մուտքերի կարիք ունի։ Նա նաև հայտնել է, որ 2023 թվականին ստացված արևմտյան ֆինանսական օգնության միայն մեկ քառորդն է տրամադրվել դրամաշնորհների տեսքով, այսինքն՝ անհատույց։ Ուկրաինայի ֆինանսների նախարարության տվյալների համաձայն՝ անցյալ տարվա արդյունքներով Ուկրաինայի պետական ​​պարտքը հասել է համախառն ներքին արդյունքի (ՀՆԱ) 80 %-ին։

Հուլիսի կեսերին Ուկրաինայի կառավարությունը հավանություն է տվել 2024 թվականի պետական ​​բյուջեում փոփոխությունների մասին օրինագծին, որը նախատեսում է լրացուցիչ 495,3 միլիարդ գրիվնա (մոտ 11,9 միլիարդ դոլար) հատկացնել պաշտպանության կարիքների համար:

Այս թեմայով Այս տարվա առաջին 8 ամիսներին «կարմիր գծերի» Ա և Բ գոտիների համար վճարվել է ավելի քան 1 մլրդ 539 մլն 256 հազար դրամ․ ՓաստԻնֆո ՌԴ-ն հետախուզում է հայտարարել պետական սահմանը հատած օտարերկրյա լրագրողների նկատմամբ Ֆրանսիայի դատախազությունը հայտարարել է Օլիմպիական խաղերի ժամանակ երեք ահաբեկչություն կանխելու մասին «Հրապարակ». Ագրարայինի ռեկտորը գրանցված չէ իրավաբանական անձանց պետական ռեգիստրում «Էնքան արեցին, մինչև ԲՈՒՀ ընդունվողների թիվը երեք անգամ կրճատվեց». Հակոբ Արշակյան (տեսանյութ) Մոսկվան չի բանակցի Կիևի հետ, քանի դեռ Ուկրաինայի ԶՈւ-ն դուրս չի շպրտվել Կուրսկից. Շոյգու Հայաստանում Արևմտյան Նեղոսի տենդից մահվան դեպքերն ավելացել են Ո՞րտեղ եւ ի՞նչ բաժնեմասեր ուներ պետբյուջեից 10 մլրդ դրամ ծախսած ԱՆԻՖ-ը. «Ժողովուրդ» Ստամոքսամտություն՝ հասցված «պետական գաղափարախոսության» մակարդակի. «Փաստ» Ուկրաինայի ԱԳՆ-ն հետ է կանչել Վրաստանում երկրի գործերի ժամանակավոր հավատարմատարին