ՄԻՊ-ը մասնակցել է թմրաշրջանառության ծավալների աճի դեմ իրականացվող քայլերի վերաբերյալ քննարկմանը

Մարդու իրավունքների պաշտպան Անահիտ Մանասյանը սեպտեմբերի 3-ին մասնակցել և որպես բանախոս է հանդես եկել ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի կողմից կազմակերպված` ոստիկանությունում իրականացվող բարեփոխումները՝ խոշտանգումների դեմ պայքարի, թմրաշրջանառության ծավալների աճի դեմ իրականացվող քայլերի վերաբերյալ քննարկմանը։ 

Միջոցառմանը մասնակցել են ԱԺ պատգամավորներ, պետական գերատեսչությունների և քաղաքացիական հասարակության ներկայացուցիչներ։ Քննարկումը վարել է ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի պարտականությունները կատարող Ռուստամ Բաքոյանը: Որպես բանախոս հանդես է եկել նաև ՀՀ Ներքին գործերի նախարարի տեղակալ Արփինե Սարգսյանը։

Մարդու իրավունքների պաշտպանը նշել է, որ առկա խնդիրների մասին խոսել, չի նշանակում մերժել այն գաղափարը, որ այս բնագավառում տեղի են ունեցել տարատեսակ փոփոխություններ, որոնք նպաստել են ոլորտը կատարելագործելուն: Միևնույն ժամանակ, դեռևս առկա են բազմաթիվ խնդիրներ, որոնց լուծման նպատակով պետությունը պետք է թիրախավորված և ակտիվ աշխատանք իրականացնի։

«Ցանկանում եմ հատուկ ընդգծել, որ խոշտանգումների հետ համահավասար վատ վերաբերմունքի ցանկացած ձև չափազանց վտանգավոր է։ Հատուկ արձանագրում եմ, որ իրավասու մարմինների կողմից ուժի կիրառումը ցանկացած պարագայում պետք է լինի համաչափ: Դա վերաբերում է նաև հատուկ միջոցների կիրառմանը: Մինչդեռ այս տեսանկյունից մենք անընդհատ արձանագրում ենք տարատեսակ խնդիրներ»,- ասել է Անահիտ Մանասյանը։ 

Պաշտպանի խոսքով՝ խոշտանգումների և վատ վերաբերմունքի այլ ձևերի կանխարգելման տեսանկյունից բացառիկ կարևորություն ունի նշված գործերի պատշաճ քննությունը՝ միջազգային չափանիշներին համապատասխան։ Ընդ որում` այստեղ խոսքը միայն ծառայողական քննության մասին չէ, այլ առաջին հեթին քրեական պատասխանատվության անխուսափելիության և նշված գործերի քննության առանձնահատկությունները հաշվի առնելու: Այդ տեսանկյունից այսօրվա պրակտիկան ունի տարատեսակ խնդիրներ, որոնք ներկայացված են Մարդու իրավունքների պաշտպանի` որպես կանխարգելման ազգային մեխանիզմի տարեկան զեկույցի շրջանակներում: Այս համատեքստում Մարդու իրավունքների պաշտպանն ընդգծել է նաև գործերի քննության անհապաղության սկզբունքը։

Ամփոփելով՝ Անահիտ Մանասյանը շնորհակալություն է հայտնել կազմակերպված աշխատանքային քննարկման համար և ընդգծել նման ձևաչափով հանդիպումների անցկացման կարևորությունը՝ ոլորտում առկա խնդիրների բարձարաձայնման և համատեղ ջանքերով լուծման ուղիներ գտնելու տեսանկյունից։

Այս թեմայով Լուսահոգի Արմեն Գրիգորյանի գործով վերաքննիչ բողոքների վերաբերյալ որոշումը կհրապարակվի այսօր Իրանում հայտարարել են՝ Ռուսաստանը «Զանգեզուրի միջանցքի» վերաբերյալ անընդունելի պնդումներ է անում Տավուշի մարզպետը Կիրանցի բնակչի հետ «բազար է արել» փոխհատուցվող գումարի չափի վերաբերյալ Պապիկյանը մասնակցել է Սյանշանի 11-րդ համաժողովի բացման հանդիսավոր արարողությանը և լիագումար նիստին «Ինտեր»-ի 20-րդ սկուդետոյին նվիրված ֆիլմի պրեմիերային Մխիթարյանը մասնակցել է կնոջ հետ «Գեղաձոր» գյուղի ճանապարհին բռնություն գործադրելու և խուլիգանություն կատարելու վերաբերյալ վարույթով նախաքննությունը շարունակվում է Մենք սկզբունքային դիրքորոշում ունենք սահմանների անձեռնմխելիության վերաբերյալ. Իրանի ԱԳ փոխնախարար «Երևանյան երկխոսության» փակ քննարկմանը անդրադարձ է կատարվել անվտանգության ներկայիս մարտահրավերներին Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգի վերաբերյալ ՀՀԿ Գործադիր մարմինը հայտարարություն է տարածել Դատախազությունը կադաստրային վկայականների օրինականության վերաբերյալ դեռևս դիրքորոշում չի արտահայտել. պարզաբանում