Տղամարդկանց և կանանց հավաքականները հաղթանակով են մեկնարկել շախմատի Օլիմպիադայում

Հայաստանի շախմատի տղամարդկանց և կանանց հավաքականները Հունգարիայի մայրաքաղաք Բուդապեշտում մասնակցում են համաշխարհային 45-րդ Օլիմպիադային: Մեկնարկային տուրում Հայաստանի հավաքականները վստահ հաղթանակներ են տարել:

Տղամարդկանց հավաքականն առաջին տուրում մրցել է Մալթայի թիմի հետ և 4:0 հաշվով հաղթանակ տարել: Հայաստանի թիմից հաղթանակներ են տարել Հայկ Մ․ Մարտիրոսյանը (2667), Շանթ Սարգսյանը (2649), Ռոբերտ Հովհաննիսյանը (2619) և Կարեն Հ․ Գրիգորյանը (2569)։

Կանանց հավաքականը 4:0 հաշվով առավելության է հասել Տրինիդադ և Տոբագոյի հավաքականի նկատմամբ: Հաղթանակ են տարել Լիլիթ Մկրտչյանը, Մարիամ Մկրտչյանը, Աննա Սարգսյանը և Սուսաննա Գաբոյանը:

Հայաստանի տղամարդկանց հավաքականի կազմում ընդգրկված է նաև Գաբրիել Սարգսյանը: Հավաքականի մարզիչն է Արման Փաշիկյանը:

Կանանց հավաքականի կազմում ընդգրկված է նաև Էլինա Դանիելյանը: Հավաքականի մարզիչն է Զավեն Անդրիասյանը:

Հայաստանի տղամարդկանց հավաքականը մեկնարկային աղյուսակում 197 երկրների մեջ վարկանիշով զբաղեցնում է 17-րդ տեղը, իսկ կանանց հավաքականը՝ 184 երկրների մեջ 11-րդ հորիզոնականը:

Շախմատի համաշխարհային օլիմպիադան կանցկացվի մինչև սեպտեմբերի 23-ը: Ընդհանուր առմամբ կանցկացվի 11 խաղափուլ։

Այս թեմայով Մեկնարկել է Հայաստան – Ավստրիա խաղի տոմսերի վաճառքը․ ԱԱ-2027 Հայաստանում տղամարդկանց կեսից ավելին ծխող է. ԱՆ Հայաստանի կանանց հավաքականը տարավ հինգերորդ անընդմեջ հաղթանակը շախմատի համաշխարհայի օլիմպիադայում Հայաստանի կանանց հավաքականը հաղթեց Վիետնամի թիմին, տղամարդկանց հավաքականը զիջեց Չինաստանի թիմին «Եվրոպական ժառանգության օրերը» Հայաստանում մեկնարկել է Արենիում անցկացվող Արհեստների միջազգային փառատոնով Հայաստանի հավաքականները երրորդ անընդմեջ հաղթանակն են տարել շախմատի համաշխարհային 45-րդ օլիմպիադայում «Բոլոլա 3»-ի նկարահանումները մեկնարկել են. բեքսթեյջ կադրեր ՀՀ դպրոցականները բրոնզե մեդալ են նվաճել արհեստական բանականության առաջին միջազգային օլիմպիադայում Շախմատի կանանց Հայաստանի հավաքականը երկրորդ հաղթանակը տարավ Մեկնարկել է Միջխորհրդարանական միության երիտասարդ խորհրդարանականների 10-րդ համաժողովը