2 անշարժ գույք, 1մլն դրամ բանկում, 10 մլն դրամ տարեկան եկամուտ. ԱԳՆ գլխավոր քարտուղարի հայտարարագիրը. «Ժողովուրդ»

«Ժողովուրդ» օրաթերթը գրում է․ «ՀՀ արտաքին գործերի նախարարը, որ 2018 թվականից հետո ընտանիքով եկավ քաղաքական ասպարեզ, 2 հիփոթեքային վարկ է ստացել՝ 77 մլն 599 հազար դրամ՝ բնակարանի կառուցապատման համար։

Բազմիցս ենք գրել, որ իշխանության ներկայացուցիչների մեծ մասը հեղափոխությունից հետո անհաշվելիորեն հարստացավ և դարձավ տան տեր։

2021 թվականից արտաքին գործերի նախարարության գլխավոր քարտուղար Դավիթ Կարապետյանը ներկայացրել է 2023 թվականի հաշվետու տարվա հայտարարագիրը։ Համաձայն հայտարարագրի՝ Կարապետյանն ունի բաժնային սեփականությամբ 2 անշարժ գույք՝ ավտոտնակ և հողամաս։

Հեղափոխությունից հետո՝ 2019 թվականին, անակնկալ կերպով Կարապետյանը այս գույքերը նվիրատվություն է ստանում, հարցական է թե ումից։

ԱԳՆ գլխավոր քարտուղարը տրանսպորտային միջոց չի հայտարարագրել։ Նրա բանկային հաշիվների մնացորդները կազմել են 1 մլն 100 հազար դրամ։

Կանխիկ դրամական միջոցները կազմել են 50 հազար դրամ։

Հաշվետու տարվա եկամուտները կազմել են 10 մլն 592 հազար դրամ, որից 8 մլն 302 հազար դրամը աշխատանքի վարձատրություն է ՀՀ արտաքին գործերի նախարարությունից, իսկ 2 մլն 290 հազարը եկամտահարկի վերադարձի օրենքով բնակարանի հիփոթեքի մայր գումարի մնացորդը մարելու համար ստացված եկամուտն է ՀՀ ֆինանսների նախարարությունից։

Դավիթ Կարապետյանի կինը ՔՊ-ական պատգամավոր Հռիփսիմե Գրիգորյանն է։

Պատգամավորը ևս հայտարարագրել է նույն սեփական անշարժ գույքերը՝ ավտոտնակը և հողամասը։ Պատգամավորը ևս եկամտահարկի վերադարձի օրենքով գումար է ստացել ֆինանսների նախարարությունից՝ 2 մլն 428 հազար դրամ։ Գրիգորյանի աշխատանքի վարձատրությունը կազմել է 10 մլն դրամ։

Կարճ ասած՝ հեղափոխությունից հետո ամուսինների բարեկեցությունն աճել է:

Նկատենք նաև, որ այս զույգը պետության կամ հրավիրող այլ երկրների բյուջեի հաշվին ամենաշատ ճամփորդողներից է. գիշերակաց, ավիատոմս, օրապահիկ…. Իսկ այդ գումարները չեն հայտարարագրվում»:

Մանրամասները՝ «Ժողովուրդ» օրաթերթի այսօրվա համարում։

Այս թեմայով Սեպտեմբերի 15-ի դրությամբ անշարժ գույքի վարձակալության տրամադրման վերաբերյալ 36,736 հայտարարություն է ներկայացվել ՀՀ ԿԳՄՍ գլխավոր քարտուղարը գրեթե 45 մլն դրամ արժողությամբ բնակարան է ձեռք բերել Կառավարությունը 1.9 մլրդ դրամ հատկացրեց 2017 թ.-ից մեկնարկած «Ինժեներական քաղաք» ծրագրին Ռեպրեսիաներ՝ 37-ի ոգով. «պատժվել» է նաեւ պետական մեղադրողը. «Ժողովուրդ» Ձկնորսները հետապնդվում են. Փաշինյանը խաբել է. Մաս 218. «Ժողովուրդ» Գրեթե 2 միլիո՞ն դրամ․ որքանո՞վ կարելի է ձեռք բերել Երևան-Մոսկվա թռիչքի տոմսերն այս պահին Կրկնակի բարձրացվել է փոխհատուցման ենթակա գումարի առավելագույն սահմանաչափը՝ 200 000 դրամի փոխարեն սահմանվելով 400 000 դրամ ՀԱՊԿ-ը շարունակում է Հայաստանը դիտարկել` որպես իրավահավասար գործընկեր, և պատրաստ է երկխոսության. գլխավոր քարտուղար Աշխատողի չձևակերպման դեպքեր արձանագրվել են 48 հարկ վճարողի մոտ․ տուգանքի չափը կազմել է 41.250 մլն դրամ Գլխավոր դատախազությունը՝ 44-օրյայի օրերին զենքերի անհետացման և քրեական գործեր լինել-չլինելու մասին