Բնապահպանության նախարարության պատժամիջոցներից պետբյուջե է 3.78 մլն մուտքագրվել դրամ գումար

ՀՀ բնապահպանության նախարարության բնապահպանական պետական տեսչության կողմից փետրվարի 13-20-ն տնկած ժամանակահատվածում իրականացված ստուգումների, շրջայցերի ընթացքում հայտնաբերված խախտումների և տեսչության վարույթին հանձնված գործերի քննության արդյունքում հայտնաբերված խախտումների արդյունքում կայացվել է 1.16 մլն դրամ ընդհանուր գումարի վարչական տուգանքի 16 որոշում և հաշվարկվել է 286.71 հազար դրամ ընդհանուր գումարի շրջակա միջավայրին հասցված վնաս: Ինչպես տեղեկացնում են ՀՀ բնապահպանության նախարարության հասարակայնության հետ կապերի բաժնից, մասնավորապես, Վայոց ձորի տարածքային բաժնի կողմից շրջայցերի ընթացքում հայտնաբերված բուսական աշխարհի պահպանության նորմերի խախտման համար ֆիզիկական անձի նկատմամբ կայացվել է 50 հազար դրամ վարչական տուգանքի որոշում և հաշվարկվել է 10.5 հազար դրամ գումարի շրջակա միջավայրին հասցված վնաս:

Լոռու տարածքային բաժնի վարույթին հանձնված նմանատիպ երկու գործով մեկ ֆիզիկական անձի նկատմամբ կայացվել է 50 հազար դրամ վարչական տուգանքի որոշում և հաշվարկվել է 198.21 հազար դրամ ընդհանուր գումարի շրջակա միջավայրին հասցված վնաս, իսկ Սյունիքի տարածքային բաժնի վարույթին հանձնված գործով մեկ ֆիզիկական անձի նկատմամբ կայացվել է 50 հազար դրամի վարչական տուգանքի որոշում:

Գեղարքունիքի տարածքային ստորաբաժանման կողմից շրջայցերի ընթացքում հայտնաբերված խեցգետնի ապօրինի որսի համար մեկ ֆիզիկական անձի նկատմամբ կայացվել է 50 հազար դրամ վարչական տուգանքի որոշում: Առգրավված 6 կգ կենդանի խեցգետինը բաց է թողնվել Սևանա լիճ: Առգրավվել է 10 կգ (55 հատ) տիրազուրկ «սիգ» տեսակի ձուկ, ինչը սահմանված կարգով հանձնվել է «Գավառի մանկատուն» ՊՈԱԿ, իսկ Երևանի տարածքային ստորաբաժանման կողմից իրականացված շրջայցերի ընթացքում առգրավված 46 հատ տիրազուրկ «սիգ» տեսակի ձուկը սահմանված կարգով հանձնվել է Երևանի լսողոկան խանգարումներ ունեցող երեխաների հատուկ կրթահամալիր:

Արագածոտնի տարածքային բաժնի կողմից շրջայցերի ընթացքում հայտնաբերված ապօրինի որսի համար երեք ֆիզիկական անձի նկատմամբ կայացվել է 210 հազար դրամ ընդհանուր գումարի վարչական տուգանքի որոշում:

Շիրակի տարածքային ստորաբաժանման կողմից շրջայցերի ընթացքում հայտնաբերված ձկան ապօրինի որսի համար մեկ ֆիզիկական անձի նկատմամբ կայացվել է 50 հազար դրամ գումարի վարչական տուգանքի որոշում: Առգրավվել է 11գծամետր ձկնորսական ցանց:

Արարատի տարածքային բաժնի կողմից շրջայցերի ընթացքում հայտնաբերված ձկան ապօրինի որսի համար կայացվել է 50 հազար դրամ վարչական տուգանքի որոշում և հաշվարկվել է 3 հազար դրամ գումարի շրջակա միջավայրին հասցված վնաս: Գեղարքունիքի տարածքային բաժնի կողմից տնտեսվարողի մոտ իրականացված ստուգման արդյունքում հայտնաբերված շրջակա միջավայրի վրա ազդեցության փորձաքննության նորմերի խախտման համար կայացվել է 100 հազար դրամ վարչական տուգանքի որոշում:

Բնապահպանական և բնօգտագործման վճարի հաշվետվությունները սահմանված ժամկետում չներկայացնելու համար Գեղարքունիքի տարածքային բաժնի կողմից տնտեսվարողի մետ իրականացված ստուգման արդյունքում հայտնաբերված խախտման համար կայացվել է 50 հազար դրամ վարչական տուգանքի որոշում, իսկ Սյունիքի տարածքային բաժնի կողմից հայտնաբերված խախտման համար կայացվել է 100 հազար դրամ վարչական տուգանքի որոշում:

Գեղարքունիքի տարածքային բաժնի բաժնի կողմից շրջայցերի ընթացքում հայտնաբերված փայտանյութի ապօրինի տեղափոխման համար երկու ֆիզիկական անձի նկատմամբ կայացվել է 200 հազար դրամ ընդհանուր գումարի վարչական տուգանքի երկու որոշում և հաշվարկվել է 75 հազար դրամ ընդհանուր գումարի շրջակա միջավայրին հասցված վնաս:

Տավուշի տարածքային ստորաբաժանման վարույթին հանձնված երկու գործով ֆիզիկական անձանց նկատմամբ կայացվել է 200 հազար դրամ ընդհանուր գումարի վարչական տուգանքի որոշում:

Ընդհանուր առմամբ' ՀՀ բնապահպանության նախարարության բնապահպանական պետական տեսչության կիրառած պատժամիջոցներից ՀՀ պետական բյուջե է մուտքագրվել 3.78 մլն դրամ: