А320-ի երկրորդ սև արկղը կարող էր աղետի ժամանակ ջախջախվել. Lufthansa

Գերմանական Lufthansa ընկերության ղեկավար կազմի անդամ Կայ Կրատկին կարծում է, որ երկրորդ բորտային ինքնագիրը Ֆրանսիայում տեղի ունեցած ուղևորատար А320 ինքնաթիռի աղետի վայրում գտնելը բավական դժվար է, քանի որ այն, ամենայն հավանականությամբ, ջախջախվել է և ազդանշաններ չի ուղարկում: Այդ մասին հայտնել է RT-ն՝ հղում անլով ARD TV հեռուստաալիքին:

«Հնարավոր է, որ հարվածի ազդեցությունը չափազանց մեծ է եղել, ու այն չի ուղարկում ազդանշաններ»,- ասել է Կրատկին:

Նրա խոսքով՝ դա կարող էր տեղի ունենալ այն բանի պատճառով, որ ինքնաթիռը ժայռին է բախվել 800 կմ/ժ արագությամբ ու վերածվել է մանր բեկորների:

Ավիափոխադրողի ներկայացուցչի խոսքով՝ որպեսզի հաստատվի տեղի ունեցածի հստակ պատկերը, ցանկացած դեպքում հարկավոր է երկրորդ «սև արկղը»: