Կանադան կսկսի ռմբակոծել Սիրիայում «Իսլամական պետության» դիրքերը

Կանադան կսկսի ավիահարվածներ հասցնել Սիրիայում «Իսլամական պետություն» խմբավորման գրոհայինների դիրքերին: Երկիրը նաև մեկ տարով կերկարացնի իր մասնակցությունն ահաբեկչական կազմակերպության դեմ պայքարի միջազգային գործողությանը, հաղորդում է Reuters-ը:

Կառավարության համապատասխան որոշման օգտին է քվեարկել Կանադայի խորհրդարանի 142 անդամ, դեմ՝ 129 օրենսդիր:

Ավելի վաղ հաղորդվել էր, որ Կանադան կընդլայնի ԻՊ-ի դեմ իր ռազմական առաքելությունը: