Սաուդյան Արաբիայի գլխավորած կոալիցիան պետք է դադարեցնի Եմենում ավիահարվածները. Լավրով

Եմենում պետք է դադարեցվի ուժի ցանկացած տեսակի կիրառումը: Այս մասին այսօր հայտարարել է Ռուսաստանի ԱԳ նախարար Սերգեյ Լավրովը, փոխանցում է ՏԱՍՍ-ը:

«Խորապես անհանգստացած ենք նրանով, թե ինչ է տեղի ունենում Եմենում: Իրավիճակը չպետք է դուրս գա վերահսկողությունից»,- ընդգծել է նա:- Մեր մոտեցումը պայմանավորված է ցանկացած ուժի կիրառումը դադարեցնելու անհրաժեշտությամբ»:

Լավրովը նաև հավելել է, որ Եմենում հակամարտող կողմերը պետք է վերսկսեն բանակցությունները չեզոք տարածքում: