«Եկել է Արժույթի միջազգային հիմնադրամը լուծարելու ժամանակը». Ռոն Փոլ

Եկել է ժամանակը վերջ դնելու Արժույթի միջազգային հիմնադրամի (ԱՄՀ), ինչպես նաև տնտեսական էքսպանսիոնիզմի ամերիկյան քաղաքականության մյուս ինստիտուտների աշխատանքին: Ինչպես տեղեկացնում է «Արմենպրես»-ը, այս համոզմունքն է հայտնել ամերիկացի քաղաքական գործիչ Ռոն Փոլը:

ԱՄՀ-ն, նշում է նա, օգտագործում է ամերիկացի հարկատուների փողը, որպեսզի պահպանի տնտեսապես թույլ, «անկենսունակ», հաճախ զգալիոերն կոռումպացված կառավարությունները: Դա, իր հերթին, խեղաթյուրում է շուկան և ոչ միայն օգուտ չի բերում հենց ամերիկացիներին, այլև վնասում է այն տարածաշրջանների բնակիչներին, որոնց ԱՄՀ-ն ցույց է տալիս իր օգնությունը: Քանի որ հիմնադրամը ֆինանսավորման մեծ բաժինն ստանում է ԱՄՆ-ից, միանգամայն տրամաբանական է, որ իր գործողությունները հարմարեցնում է Վաշինգտոնի արտաքին քաղաքական նպատակների առաջշարժանը, գրել է քաղաքական գործիչը:

Ռոն Փոլն ընդգծում է, որ ոչ մի պատասխանատու ֆինանսական ինստիտուտ դոլարային համարժեքով 17- կամ 40-միլիարդանոց վարկ չէր տրամադրի փոխառուին, որը դժվարությամբ փորձում է մարել արդեն գոյություն ունեցող բազմամիլիարդանոց վարկը: Սակայն անցյալ ամսին հենց դա է արել ԱՄՀ-ն՝ նոր վարկ տրամադրելով Ուկրաինային: Տնտեսական տեսակետից այդ փողը չի օգնի Ուկրաինային՝ դուրս գալու ճգնաժամից, բայց քաղաքական տեսանկյունից այն կապահովի ԱՄՆ-ի արտաքին քաղաքական ռազմավարության առաջշարժումը, հաղորդել է ՌԻԱ Նովոստի գործակալությունը: