Պորոշենկոն և Մերկելը քննարկել են Դոնբասի իրադրությունը
Աշխարհ
Ուկրաինայի նախագահ Պյոտր Պորոշենկոն Գերմանիայի կանցլեր Անգելա Մերկելի հետ կայացած հեռախոսազրույցի ընթացքում քննարկել է Դոնբասի իրադրությունը: Այդ մասին ասված է Ուկրաինայի ղեկավարի կայքում տեղադրված հաղորդագրության մեջ` փոխանցում է rosbalt.ru-ն:
«Պորոշենկոն և Մերկելն արտահայտվեցին առաջիկա օրերին «նորմանդական քառյակի» արտաքին գործերի նախարարների հանդիպում անցկացնելու օգտին` քննարկելու համար Մինսկի համաձայնությունների կատարման ուղղությամբ հետագա առաջընթացի ևԴոնբաս խաղաղապահ առաքելություն մտցնելու հրատապ հարցերը»,- նշել են նախագահի մամուլի ծառայությունից:
«Զրուցակիցները նաեւ հույս հայտնեցին, որ եռակողմ շփման խմբի հանդիպման անցկացումը թույլ կտա կատարել Մինսկի պայմանավորվածությունների իրագործման հերթական քայլերը»,- ասված է հաղորդագրության մեջ:
Կիևը բազմիցս հանդես է եկել Ուկրաինայի արևելքում միջազգային խաղաղապահների տեղաբաշխման օգտին, իսկ ինքնահռչակ ժողովրդական հանրապետությունները համաձայն են միայն ռուս խաղաղապահներ տեղակայելուն:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
