Իրաքյան ուժերն ազատագրել են Թիքրիթ քաղաքը
Աշխարհ
Իրաքում ազատագրվել է Թիքրիթ քաղաքը:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Թիքրիթ քաղաքն այժմ ամբողջությամբ գտնվում է ազգային ջոկատների և բանակի ձեռքում:
Իրաքի վարչապետ Հեյդար ալ Աբադին և Սալահ ադ Դինի մարզպետը և այլ պաշտոնյաներ շրջել են Թիքրիթում: Շարունակվում են քաղաքը պայթուցիկ սարքավորումներից մաքրելու աշխատանքները, որպեսզի քաղաքի բնակիչները կարողանան վերադառնալ իրենց տները:
Իրաքի ներքին գործերի նախարար Մուհամմադ Սայիդ Ղաբանը հայտարարել է, որ իրենց հիմնական նպատակը ոչ միայն Սալահ ադ Դին մարզի քաղաքներն ազատագրելն է, այլև անվտանգության ծառայությունների վերականգնումը:
«Իսլամական պետությունն» ապրիլի 1-ին պայթեցրել է Մոսուլի հյուսիսում գտնվող նախագահական նստավայրը: Իրաքյան ուժերն ազգային կամավորական ջոկատների հետ լայնածավալ հարձակում են սկսել Սամրա քաղաքի արևմուտքում ԻՊ-ի դեմ:
Թիքրիթի ազատագրման ռազմական գործողությունները սկսվել են մարտի 2-ին: Իրականացված ռազմական գործողությունները համարվում են ամենալայնածավալն ուղղված ԻՊ-ի դեմ, որը 2014թ. հունիսից հսկայական տարածքներ է գրավել Իրաքում:
Թիքրիթը համարվում է ռազմավարական կարևոր նշանակության քաղաք, այն Սադամ Հուսեյնի ծննդավայրն է: Քաղաքը գտնվում է Բաղդադի և Մոսուլի միջև:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
