Վրաստանի վարչապետը նեղացել է նախագահից
Վրաստան
Վրաստանի վարչապետ Իրակլի Ղարիբաշվիլին չարդարացված և անիրավացի է համարել երկրի նախագահ Գեորգի Մարգվելաշվիլիի քննադատությունը կառավարության հասցեին, նշելով, որ պետության ղեկավարը երբեք համագործակցություն չի նախաձեռնել իր հետ, տեղեկացնում է «Արմենպրես»-ը՝ հղում անելով «Նովոստի Գրուզիա»-ին:
Ինչպես ավելի վաղ հայտարարել է Մարգվելաշվիլին, այն բանից, որ կառավարության անդամները խորհրդարան չէին եկել, որտեղ մարտի 31-ին ինքը հանդես է եկել ամենամյա հաշվետվությամբ, տուժել է ոչ թե նախագահական ինստիտուտը, այլ պետությունը:
«Ինձ համար փոքր-ինչ վիրավորական է, երբ մատնանշում են թիմայնությունը, և, միևնույն ժամանակ, կառավարության անդամների, կառավարության աշխատանքի հասցեին, ըստ իս, չարդարացված և անիրավացի քննադատություն ենք լսում մեր թիմի անդամի՝ նախագահի կողմից: Դա շատ ցավալի է ինձ համար»,- հայտարարել է Ղարիբաշվիլին կառավարության ապրիլի 1-ի նիստում:
Վարչապետի խոսքով՝ երկրի բնակչությունը գործող իշխանությանն ընտրել է «ոչ այն բանի համար, որ լսի նախագահի քննադատությունը կառավարության հասցեին կամ իմ պատասխանները նախագահին»:
«Կարծում եմ՝ դա ամոթալի է: Մենք դրա համար ժամանակ չունենք, մենք չպետք է մեզ իրավունք տանք ժամանակ ծախսել այնպիսի հարցերի վրա, որոն գերակայություն չեն մեր երկրի բնակչության համար»,-նշել է Ղարիբաշվիլին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
