Մարտ ամսին Իրաքում մոտ հազար մարդ է զոհվել` ահաբեկչությունների և ռազմական գործողությունների արդյունքում. ՄԱԿ
Աշխարհ
Մոտ հազար մարդ է զոհվել Իրաքում մարտ ամսվա ընթացքում` ահաբեկչական հարձակումների և ռազմական գործողությունների արդյունքում: Այս մասին հայտնել է ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հակը, փոխանցում է ՏԱՍՍ-ը:
Նրա խոսքով՝ անցյալ ամիս զոհերի առավելագույն թիվը գրանցվել է Բաղդադ գավառում:
«Ընդհանուր առմամբ, 997 իրաքցի է զոհվել և ևս 2172-ը վիրավորվել է մարտ ամսում ահաբեկչական գործղությունների և բռնությունների արդյունքում: Սպանվել է 729 քաղաքացիական անձ, այդ թվում' 42 ոստիկան: Քաղաքացիական անձանցից վիրավորվել են 1785-ը, այդ թվում` 98 ոստիկան»,- ասել է Ֆարհան Հակը:
Նա նաև ասել է, որ ՄԱԿ-ը ցնցված է բռնության ալիքով, որը նորանոր տառապանքներ է պատճառում իրաքցի ժողովրդին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
