Ձկներն էլ են միմյանց «խոյահարում»

Կենսաբանները հայտնաբերել են, որ Bolbometopon muricatum թութակաձկների գլուխների բնորոշ ելուստները հակառակորդների հետ մրցակցության համար են։ Խոյերի մրցությանը նման վարք առաջին անգամ է նկարագրվում ձկների մոտ։ Հետազոտությունը տպագրվել է PLoS ONE պարբերականում։

Բնության մեջ ձկների վարքը դիտելու համար հետազոտողներն ուղևորվել են Ֆիլիպինների և Հավայան կզիների միջակա Ուեյք ատոլ (Wake Island կորալային կղզի)։ Դրա ավազանում արգելված է ձկնորսությունը, այնտեղ տուրիստներ չկան, ուստի Bolbometopon muricatum-ների պոպուլյացիան գոյատևում է գործնականում առանձնացած վիճակում։

Գիտնականները պարզել են, որ ձկների արուները հակառակորդների քշում են ագրեսիվության ցուցադրմամբ։ Եթե նրանք հրաժարվում են ետ քաշվել, սկսվում է կռիվ, որում ձկները բախվում են ճակատներով այնքան, մինչև մեկնումեկը հեռանում է ասպարեզից։

Հեղինակները նշում են, որ հայտնի պոպուլյացիաներում մինչ այժմ նման վարք չէր նկարագրվել։ Դա հավանաբար կապված է նրա հետ, որ ջրասուզակների ու ստորջրյա որսորդների մշտական ներկայությունը ձկներին ավելի վախկոտ է դարձրել և փոխել նրանց սոցիալական վարքը, ինչն իր հերթին խոսում է կենսոլորտի արգելանոցային գոտիների պահպանության և դրանցում մարդու միջամտության մացառման անհրաժեշտության մասին։

Թութակաձկներն իրենց անվանումն են ստացել բերանի՝ կտուց հիշեցնող բնորոշ կառուցվածքի պատճառով։ Այն նման ձևափոխության է ենթարկվել կորալներով սնվելու ընթացքում, քանի որ վերջիններս այդ ձկների հիմնական սնունդն է։Bolbometopon muricatum-ը ամենախոշորն է թութակաձկների ընտանիքում և հասնում է մինչև 1.5 մետր երկարության և 75 կիլոգրամ քաշի։