Սալոնիկի տակ հնագույն քաղաք է հայտնաբերվել (լուսանկարներ)

Հունաստանի Սալոնիկ քաղաքում մետրոյի շինարարության ժամանակ մի ամբողջ հնագույն քաղաք և հարյուր հազարավոր հնագիտական գտածոներ են հայտնաբերվել: Ինչպես գրում է «РИА Новости»-ն, այդ մասին հայտնել են Սալոնիկի հնությունների վարչության հնագետները և շինարարական ընկերության ներկայացուցիչները «Ե՛վ հնություն, և՛ մետրո» խորագրով ասուլիսի ժամանակ:

Նշվում է, որ Սալոնիկում մետրոյի շինարարությունը մեկնարկել է 2006 թվականին, սակայն երկարաձգվել է հնագիտական աշխատանքների հսկայական ծավալի և գտածոների պատճառով: Ընդհանուր առմամբ, հայտնաբերվել է շուրջ 300 հազար իր, իսկ վերջինը դարձել է Աֆրոդիտեի քանդակը:

Աղբյուրի հաղորդմամբ՝ հնագետները հայտնաբերել են մ.թ.ա. մինչև 316 թվականը մակեդոնացի կայսր Կասանդրի՝ մինչև իշխանության գալու ժամանակաշրջանի քաղաք, հռոմեական ժամանակներից գերեզմանոց, արևելյան նեկրոպոլիս, բաց քաղաքային տարածություն, որում երևում է քաղաքի կառուցվածքը մինչև Սալոնիկի հիմնադրումը: