TripAdvisor-ը հրապարակել Է աշխարհի 2018 թվականի լավագույն լողափերը

 Ճանապարհորդներին սպասարկող TripAdvisor ծառայությունը կազմել Է աշխարհի լողափերի թոփ-25-ը՝ «Լավագույն լողափ», «Լավագույն հյուրանոց» եւ «Հեռանկարային ուղղություն» անվանակարգերում օգտատերերի արձագանքների եւ գնահատականների հիման վրա: Վարկանիշում տեղ են գտել Բրազիլիայի, Կուբայի, Իսպանիայի, ԱՄՆ-ի, Ջամայկայի, Դոմինիկյան Հանրապետության լողափերը եւ ոչ միայն դրանք:

Լողափերի թոփը գլխավորել Է Գրեյս-Բեյը, որը գտնվում Է Թերքս եւ Քայքոս կղզիների վրա, որոնք Մեծ Բրիտանիայի՝ Բահամյան կղզիներից ոչ հեռու ընկած կղզային տարածքների մի մասն են: Լողափը տեղ Է գտել ՅՈՒՆԵՍԿՕ-ի համաշխարհային ժառանգության նախնական ցուցակում եւ նշանավոր Է երկար ափագծով, մանր սպիտակ ավազով, թափանցիկ ջրով եւ ամբողջ տարվա ընթացքում մատուցվող տուրիստական ծառայություններով:

Վարկանիշի երկրորդ տեղն զբաղեցնում Է Baia do Sancho-ն՝ Ֆեռնանդու դի Նորոնիա (Բրազիլիա) արշիպելագում: Դրանք հրաբխային ծագում ունեցող շուրջ 20 կղզիներ են, ընդ որում՝ մարդկանցով բնակեցված Է միայն մեկը՝ ամենամեծը: Ափամերձ տարածքը գրավում Է կետազգիներով, դելֆիններով եւ ծովային կրիաներով, ահա թե ինչու 2001 թվականից արշիպելագը մտնում Է ՅՈՒՆԵՍԿՕ-ի ցուցակի մեջ: Առաջատարների եռյակը եզրափակում Է Վարադերո լողափը, որը գտնվում Է 20 կիլոմետր Ատլանտյան օվկիանոս խորացող Իկակոս թերակղզում (Կուբա): Լողափը ձգվում Է նեղ շերտով՝ ամենալայն մասում ընդարձակվելով մինչեւ 1 կիլոմետր:

1992 թվականին ՅՈՒՆԵՍԿՕ-ի կողմից մտցվել Է աշխարհի ամենամաքուր լողափերի ցուցակում: Մայրցամաքային Եվրոպայի լավագույն լողափը դարձել Է Իսպանիայի Դոնոստիա-Սան-Սեբաստիան քաղաքում գտնվող Լա-Կոնչան: Երկրում ամենահայտնի լողափերից մեկն ունի խխունջի ձեւ, ինչի համար Էլ այն ստացել Է նույն անվանումը: Այս լողափը, որը TripAdvisor-ի վարկանիշում զբաղեցրել Է վեցերորդ հորիզոնականը, սիրում են ոչ միայն հանգստացողները, այլեւ սերֆինգիստ մարզիկները, հաղորդել Է ՌԻԱ Նովոստին: