Օբամեյանգի դուբլն ու «Արսենալ»-ի հաղթանակը (տեսանյութ)

Անգլիայի առաջնության 32-րդ տուրում Լոնդոնի «Արսենալ»-ը հյուրընկալեց «Սթոք Սիթի»-ին:

Հանդիպումն ավարտվեց դաշտի տերերի հաղթանակով` 3:0 հաշվով:

Խաղի 75-րդ րոպեին 11 մետրանոց հարվածից  Պյեր Էմերիկ Օբամեյանգը բացեց հաշիվը, 86-րդ Օբամեյանգը խփեց  հանդիպման երկրորդ գոլը: 3 րոպե անց Լակազեթը 11 մետրանոցից խփեց իր թիմի երրորդ գոլը:

Այս հաղթանակից հետո Վենգերի թիմը 51 միավորով մրցաշարային աղյուսակի 6-րդ տեղում է:

Հայաստանի հավաքականի ավագ Հենրիխ Մխիթարյանը լոնդոնցիների պահեստայինների թվում էր և հանդիպմանը մասնակցեց 76-րդ րոպեից: