Թրամփին պատկանող երկնաքերում հրդեհ է բռնկվել (տեսանյութ)
ՏեսանյութերՀրդեհը տեղի է ունեցել Մանհեթենի շրջանում Trump Tower երկնաքերի 50-րդ հարկի բնակարաններից մեկում, մեկ մարդ զոհվել է հինգը՝ տուժել, հայտնում է CNN-ը։ Trump Tower երկնաքերը պատկանում է ԱՄՆ նախագահ Դոնալդ Թրամփին։
Ավելի վաղ հաղորդվել էր, որ երկնաքերի տանիքին օդափոխության համակարգում բռնկված հրդեհը տեղայնացվել է: Հրդեհի մարման աշխատանքներին ավելի քան 100 հրշեջ է մասնակցում: Նախագահ Դոնալդ Թրամփը հրդեհի պահին շենքում չի եղել:
Հեռուստաալիքի աղբյուրների տեղեկություններով՝ զոհվել է այն բնակարանում ապրողը, որտեղ բռնկումը տեղի է ունեցել: Նա հոսպիտալացվել է, սակայն բժիշկներին չի հաջողվել նրա կյանքը փրկել:
ԱՄՆ նախագահ Դոնալդ Թրամփը Twitter-ում հայտնել է, որ կրակն արդեն չեզոքացվել է, նաեւ կատարած աշխատանքի համար շնորհակալություն է հայտնել հրշեջներին:
ԱՄՆ առաջնորդի որդի Էրիկը Twitter-ում հստակեցրել է, որ բռնկումը տեղի է ունեցել բնակարաններից մեկում: Հրդեհին նախապես տրվել է բարդության երկրորդ կարգ, ավելի ուշ այն բարձրացվել է մինչեւ չորրորդ: Երկնաքերին կից մի քանի փողոցներ փակվել են:
Այս 58-հարկանի շենքում է գտնվում Թրամփի բիզնես կայսրության կենտրոնը:
2016 թվականին երկնաքերում էր տեղակայված հանրապետականի նախընտրական շտաբը:
Ներկայում Թրամփն ապրում է Սպիտակ տանը:
ՈՒՂԻՂ ԵԹԵՐ
Ամենադիտված 
«Նուբարաշեն» ՔԿՀ-ում հայտնաբերվել է մանկապղծության համար դատապարտված տղամարդու մարմինը
