Էրդողանն իր գործողություններով քրդերին մղեց միավորման գաղափարին

Քրդերը պատմական նոր փուլ են թևակոխում: Կարծում եմ՝ պետականություն ստեղծելու ճանապարհի այս փուլին ընտրել են ամենաճիշտ ճանապարհը՝ գործել փոխկապակցված, միասնական, իրար լրացնելով ու երբեք իրար չխանգարելով: Էրդողանը իր գործողություններով կարծես թե վերջնականապես քրդերին մղեց միավորման գաղափարին և այժմ նրանք կատարում են դրա առաջին քայլերը: Անշուշտ դժվար է լինելու, քանի որ քրդերի մոտ շատ խորն է իրար մեջ տարածաշրջանային տարբերություն դնելու գործոնը: Թուրքիայի քրդերը կարծում են, որ Քրդստանի մայրքաղաքը Դիարբեքիրն է, Իրաքի քրդերը՝ Էրբելիը… Քրդերը այս փուլին անցել են ակտիվ քաղաքական բանակցությունների ոչ միայն իրար հետ, այլ նաև հենց տարածաշրջանի երկրների ու ընդհանրապես խաղացող երկրների հետ:

Կարեն Հովհաննսիյան