Նիկոլ Փաշինանը շարունակում է «սկոչել» ճանապարհի արագաչափերը (տեսանյութ)

Հիշեցնենք, որ այս օրերին քայլարշավի ժամանակ Նիկոլ Փաշինյանը փակել էր Երևան-Սևան-Իջևան Մ-4 միջպետական նշանակության ճանապարհի 82-րդ կիլոմետրում տեղադրված երթևեկության կազմակերպման միջոց հանդիսացող արագաչափ սարքը: Նրա արարքի վերաբերյալ ոստիկանությունը հայտարարություն էր տարածել.

«ՀՀ Ազգային ժողովի պատգամավոր Նիկոլ Փաշինյանը քաղաքացիական խաղաղ «անհնազանդության» պատրվակով, այսօր ժամը 13:00-ի սահմաններում փակել է Երևան-Սևան-Իջևան Մ-4 միջպետական նշանակության ճանապարհի 82-րդ կիլոմետրում տեղադրված երթևեկության կազմակերպման միջոց հանդիսացող արագաչափ սարքը:

Այս արարքը վարչական իրավախախտում է նախատեսված Վարչական իրավախախտումների վերաբերյալ ՀՀ օրենսգրքի 140-րդ հոդվածի 1-ին մասով, որի համար նախատեսված է տուգանքի նշանակում նվազագույն աշխատավարձի երեսնապատիկի չափով»,- ասվում էր ոստիկանության հաղորդագրության մեջ:

Հիշեցնենք, որ Ազատության հրապարակ կհասնեն ապրիլի 13-ին, ժամը 18:30-ին: