Բասկետբոլային տոն և «Աստղային» բասկեբոլ Երևանում

Երևանում «Մարզաձևերի զարգացման հանրապետական համալիր կենտրոն» ՊՈԱԿ-ի տեղի ունեցավ բասկետբոլային «Աստղերի խաղ» միջոցառումը՝ բաղկացած 3 մասից:

Առաջին հանդիպման ընթացքում մրցեցին «Հայտնիներ» և «Անհայտներ» թիմերը, որտեղ հաղթող դարձավ «հայտնիների» թիմը 40:46 հաշվով: Հանդիպան ամենաարդյունավետ բասկետբոլիստ Արամեն էր: «Հայտնիների» կազմում հանդես եկան ՀՀ սպորտի և երիտասարդության հարցերի նախարարի պաշտոնակատար, ՀՀ բասկետբոլի ֆեդերացիայի նախագահ Հրաչյա Ռոստոմյանը, ՀՀ բասկետբոլի ֆեդերացիայի փոխնախագահ Վահագն Հարությունյանը, երգիչներ Արամեն, Հայկ Դուրգարյանը, հաղորդավար Վահե Խանամիրյանը, դերասան Մկրտիչ Արզումանյանը և ուրիշներ, իսկ «Անհայտներ» թիմը կազմված կլինի պատանի բասկետբոլիստներից:

«Աստղերի խաղի» 2-րդ մասում՝ «Դանք» մրցույթում, որտեղ միմյանց հետ մրցեցին բասկետբոլի Հայաստանի «Ա» լիգայի բասկետբոլիստները և հաղթող դարձավ Կոնստանտին Միրզոյանցը «Արցախ» ակումբից:

Աստղերի խաղի վերջին մասում միմյանց հետ ուժերը չափեցին հայ բասկետբոլիստներն ու լեգիոներները, որտեղ հավասար և լարված պայքարում 102-97 հաշվով հայ բասկետբոլիստները առավելության հասան հակառակորդի նկատմամբ: Հանդիպման լավագույն խաղացող ճանաչվեց Էդգար Բաբայանը: