Ադրբեջանի ընդդիմադիրները նախագահական ընտրությունների արդյունքների դեմ ուղղված հանրահավաք են իրականացնելու
Քաղաքական
Ադրբեջանի ընդդիմադիր Ժողովրդավարական ուժերի ազգային խորհուրդը ապրիլի 11-ին կայացած նախագահական ընտրությունների արդյունքների դեմ ուղղված հանրահավաք է իրականացնելու:
Այս մասին հայտնում է ադրբեջանական azadliq.info լրատվական գործակալությունը:
Ազգային խորհուրդը ակցիայի անցկացման թույլտվություն ստանալու համար դիմել էր Բաքվի քաղաքապետարան, և դիմումը բավարարվել է:
Հանրահավաքը տեղի է ունենալու ապրիլի 14-ին Բաքվի Յասամալի շրջանում:
Ազգային ճակատը և ընդդիմադիր «Մուսավաթ» կուսակցությունը բոյկոտել էին նախագահական արտահերթ ընտրությունները և ներկայումս չեն ճանաչում դրանց արդյունքները:
Ընդդիմադիր ուժի փոխանցմամբ` ընտրությունները չեն արտացոլում ժողովրդի կամքը և լեգիտիմ չեն:
«Ընտրության ընթացքում իրականացվել են նախորդ ընտրությունների կեղծիքները, կազմակերպվել են «կարուսելներ», մեկ անձը քվեարկել է մի քանի անգամ: Տեղի են ունեցել լցոնումներ»,-նշված է Ադրբեջանի Ժողովրդավարական ուժերի ազգային խորհրդի հայտարարության մեջ:
2013 թվականին ստեղծված Դեմոկրատական ուժերի ազգային խորհրդի կազմում ընդգրկված են «Ժողովրդական ճակատ» կուսակցությունը, մեծ թվով ժողովրդավարական հասարակական եւ քաղաքացիական ակտիվիստներ:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
