Օր 14-րդ. Փաշինյանը Երևանում է, բայց տուն չի գնալու (տեսանյութ)
Քաղաքական
Քաղաքացիական պայմանագիր կուսակցության ղեկավար Նիկոլ Փաշինյանն #ԻմՔայլը արշավի մասնակիցների հետ Գյումրիից անցնելով 200 կմ ճանապարհ՝ հասել է Երևան: Հյուսիսային ավտոկայանի մոտ արշավի մասնակիցներին դիմավորեցին նրանց համակիրները: Նշենք, որ նրանք շարժվում են դեպի Ազատության հրապարակ, որտեղ այսօր 18:30-ից կմեկնարկեն շուրջօրյա հանրահավաքները:
Լրագրողների հետ զրույցում, Փաշինյանն, անդրադառնալով իշխանության և ոստիկանության կոչերին, թե ԱԺ մուտքերը փակելն անօրինական է, Փաշինյանը նշեց. «ՀՀ քաղաքացիներն իրավունք ունեն առանց զենքի, բռնության, խաղաղ պայմաններում քաղաքացիական անհնազանդության ակցիաներ իրականացնելու»:
Նշենք, որ վաղը՝ ապրիլի 14-ին, ՀՀԿ խորհրդի նիստն է, որտեղ որոշվելու է Սերժ Սարգսյանի վարչապետության հարցը: Պատրաստվո՞ւմ են փակել ՀՀԿ գրասենյակը հարցին ի պատասխան՝ Նիկոլ Փաշինյանն ասաց. «Սցենարների մասին բազմիցս ասվել է. դրանք տեղի են ունենալու և դրանց իրագործումը կախված է քաղաքացիների ակտիվությունից»,- նշեց Նիկոլ Փաշինյանը՝ ընդգծելով՝ 14 օր տուն չի գնացել և մնալու է Ազատության հրապարակում այնքան ժամանակ, մինչև խնդրին լուծում տրվի:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
