Դիտարժան բասկետբոլային եզրափակչի առաջին հանդիպում. «Արթիկ»-«Արցախ»՝ 74:100

Բասկետբոլի Հայաստանի կանոնավոր առաջնության եզրափակչի առաջին խաղում «Արցախ»-ը հաղթեց «Արթիկ»-ին։ Առաջին քառորդում բացարձակ հավասար պայքար էր ծավալվել և գրեթե յուրաքանչյուր գրոհ ավարտվում էր զամբյուղի գրավմամբ։ Առաջին քառորդից հետո «Արթիկ»-ը հաղթում էր 20։18 հաշվով։

Երկրորդ քառորդում «արթիկցիները» կարողացան փոքրիկ առավելություն ստանալ և մեծ ընդմիջման գնալ 44։37 հաշվով։ Երրորդ քառորդում «արցախցիները» ոչ միայն հետ բերեցին կորցրած միավորները, այլ առաջ անցան՝ 59։68։ Գերդիտարժան 4-րդ քառորդից հետո ի վերջո եզրափակչի առաջին խաղում հաղթեցին «Արցախ»-ի բասկետբոլիստները՝ 74:100:

Ամբողջ խաղի ընթացքում իրենց ակտիվությամբ հիացնում էին թե «Արցախ»-ի, թե «Արթիկ»-ի երկրպագուները։

Կանոնավոր առաջնության հաղթողը հայտնի կդառնա երկու խաղերի արդյունքով։ Այս թիմերը ևս մեկ խաղ կունենան ապրիլի 17-ին։