Միշտ պատրաստ ենք բանակցությունների. Վահրամ Բաղդասարյան

«Միշտ պատրաստ ենք բանակցությունների, սակայն Նիկոլ Փաշինյանի առաջարկածը բանակցություն չէր, այլ միակողմանի պարտադրանք: Մենք պայքարում ենք մեր պետության կանոնակարգված առաջընթացի համար»,- այս մասին այսօր Ազգային ժողովում ՀՀԿ խմբակցության նիստից հետո լրագրողների հետ զրույցում հայտնեց ՀՀԿ խմբակցության պատգամավոր Վահրամ Բաղդասարյանը:

«Մենք կոչով դիմել ենք ՀՀ նախագահին, որպեսզի քաղաքական ուժերին դիմի երկխոսության համար: Երբ այդ երկխոսությունը կլինի, մեր որոշումը կկայացնենք: ՀՀԿ-ն միասնական է, երբ որոշում կկայացնենք, դրա մասին կխոսենք»,- ասաց նա:

Ինչ վերաբերում է վարչապետի ժողովրդի թեկնածուի հարցին, Վահրամ Բաղդասարյանը նշեց՝ նիստում վարչապետի թեկնածու ներկայացնելու հարցով վերջանական որոշում չի կայացվել. ««Ժողովրդի թեկնածու» ասվածը հարաբերական է»: