Բացառել բիզնեսի և քաղաքականության սերտաճումը․ Փաշինյանի առաջին անելիքը սա է

Հայաստանի գործատուների հանրապետական միության նախագահ Գագիկ Մակարյանի կարծիքով՝ ապագա  վարչապետի համար առաջնային պետք է լինի բիզնեսի և քաղաքականության սերտաճումը։

Ըստ Գագիկ Մակարյանի՝  նոր իշխանությունը դա  կկարողանա անել, քանի որ Նիկոլ Փաշինյանի թիմը դուրս է «Հանրապետական» կուսակցության ծանոթ-բարեկամ մթնոլորտից․ «Երկիրը պետք է ազատվի այս հոգեբանությունից և մեր հանրապետությունը պետք է գնա նրան, որ բիզնեսները պետք է առանձնացած լինեն պետական ապարատից։ Պատգամավորները սա պետք է հաշվի առնեն և նույն սխալները չկրկնեն»,- ասաց նա։

Ըստ Մակարյանի՝ պետք է, որ Նիկոլ Փաշինյանը նորից ընդգծի այն փաստը, որ այսպիսի փուլում ընտրություններում անցնելու դեպքում ինքը երաշխավորություն է տրամադրում սեփական իրավունքի, բիզնեսի և հաշվեհարդար չտեսնելու հարցերի շուրջ։

Մակարյանը համարում է, որ ժողովրդական շարժումը հաղթել է, սակայն այդ բերկրանքի ու վստահության մթնոլորտի հետ մեկտեղ, որ ձևավորում է Նիկոլ Փաշինյանն իր խմբի հետ միասին, տեսնում ենք, որ հնարավոր զարգացումներում կան որոշակի խնդիրներ, որոնք կարող են հետագայում արգելքներ առաջացնել։

Անդրադառնալով խոսակցություններին, որ Նիկոլ Փաշինյանը կադրերի պակաս ունի, Գագիկ Մակարյանն ասաց, թե հայկական կադրերով ամբողջ աշխարհն է հիանում, իսկ  Նիկոլ Փաշինյանը կադրային ջարդ չի անելու ու հնարավոր է՝ նոր, երիտասարդ կադրերով ավելի լավ կառավարում  կազմակերպի․  «Այսպես փորձում են անվստահության մթնոլորտ առաջացնել։ Ես ուզում եմ հիշեցնել, որ հայկական կադրերով ամբողջ աշխարհն է հիանում։ Եթե կարողանում են այլ երկրներում աշխատել և կայանալ, ինչո՞ւ չեն կարող Հայաստանում աշխատել։ Հսկայական պոտենցիալ կա երիտասարդների շրջանում, ովքեր այս պայմաններում չէին կարողանում իրենց ռեալիզացնել, հիմա հնարավորություն է ստեղծվում երիտասարդ կադրերի համար իրենց ազնվությամբ, իրենց լեզուների իմացությամբ, իրենց մոտիվացիայով իրացնել գիտելիքները»,- ասաց Մակարյանը։

Ըստ Մակարյանի՝ պետք է, որ Նիկոլ Փաշինյանը նորից ընդգծի այն փաստը, որ այս փուլում ընտրություններում անցնելու դեպքում ինքը երաշխավորություն է տրամադրում սեփական իրավունքի, բիզնեսի և հաշվեհարդար չտեսնելու հարցերի շուրջ։

«Դա անհրաժեշտ է և՛ երկրի խաղաղության համար, և՛ բիզնեսմեններին՝ Հայաստանի չհեռանալու համար»։