Եվրոպայի առաջնություն. Կարապետ Չալյանը պարտվեց

Կասպիյսկ քաղաքում շարունակվում է հունահռոմեական ըմբշամարտի Եվրոպայի առաջնությունը:

Հայաստանի մարզիկներից Կարապետ Չալյանը 77 կգ քաշային կարգում քառորդ եզրափակչում պարտություն կրեց:

Հայ մարզիկը 3:6 հաշվով զիջեց Շվեդիայի ներկայացուցչին: Եթե շվեդ մարզիկը հասնի եզրափակիչ՝ Չալյանը երրորդ տեղի համար պայքարի հնարավորություն կստանա:

Հիշեցնենք, որ որակավորման փուլում  Չալյանը 8:0 հաշվով հաղթել էր  իսրայելցի մարզիկին: 1/8 եզրափակչում հայ մարզիկը 9:1 հաշվով  հաղթել էր Ուկրաինան ներկայացնող Միկոլա Դրագանին: