«Ելք»-ը աջակցելու է հեղափոխության կապիտալիզացիային (տեսանյութ)

Երկրում տրամադրություն է փոխվել ՀՀԿ-ն իրեն զգում և պահում է որպես ընդդիմադիր ուժ, ես ողջունում են նրանց որպես ընդդիմադիր կուսակցություն: Այս մասին «Առաջին լրատվական»-ի հետ զրույցում նշեց ԱԺ «Ելք» խմբակցության պատգամավոր Էդմոն Մարուքյանը՝ հավելելով, որ ՀՀԿ-ի մոնոպոլիան քանդվում է:

«Հայաստանի բոլոր խնդիրները քաղաքական հիվանդ համակարգի մեջ էր: Թավշյա հեղափոխությունը տեղափոխվում է մի փուլ, որտեղ պետք է համաձայնության մթնոլորտ ստեղծվի»,-ասաց պատգամավորը:

Մարուքյանը տեսնում է հնարավորություն, որ կունենանք լավ ընտրական օրենսգիրք․ «Բոլոր քաղաքական ուժերը կստանան ուղերձ և բոլոր ուժերը կստանան հավասար պայմաններ»:

Հարցին, թե Նիկոլ Փաշինյանի վարչապետ ընտրվելու դեպքում «Ելք»-ը կմնա՞ ընդդիմություն, պատգամավորը պատասխանեց․ «Կլինի անցումային իրավիճակ, բոլորս այնպես պետք է անենք, որ երկիրը շահած դուրս գա: «Ելք»-ը պետք է անի ամեն ինչ ու աջակցի Փաշինյանին, որ նոր կառավարությունը իրականացնի իր ծրագրերը:Ամեն բան պետք է անել երկրում մթնոլորտ փոխել: «Ելք»-ը աջակցելու է հեղափոխության կապիտալիզացիային»: