Աղվանի Վարդանյանի հայտարարությունը ՀՅԴ խմբակցության համար անակնկալ էր. Արմեն Ռուստամյան
Հայաստան
ՀՅԴ-ն Ազգային ժողովի դաշնակցական պատգամավոր Աղվան Վարդանյանի հայտարարությանը, համաձայն որի նա չի մասնակցելու ՀՀ վարչապետի ընտրության քվեարկությանը, գնահատական կտա: Այդ մասին ԱԺ-ում ունեցած իր ելույթում հայտարարեց ՀՅԴ խմբակցության ղեկավար Արմեն Ռուստամյանը:
«Աղվանի Վարդանյանի հայտարարությունը ՀՅԴ խմբակցության համար անակնկալ էր: Մենք, իհարկե, հարգում ենք պատգամավորի սահմանադրական իրավունքը, որ նա կարող է քվեարկել իր խղճով և համոզմամբ, բայց սա Դաշնակցություն է և ունի իր ավանդույթները: Նրա կատարած քայլն այդ ավանդույթների դեմ էր: Մենք բնականաբար այդ պահվածքին անպայման համապատասխան գնահատական կտանք»,- ասաց Արմեն Ռուստամյանը:
Ազգային ժողովի ՀՅԴ խմբակցության քարտուղար Աղվան Վարդանյանը ավելի վաղ իր ելույթում հայտարարել էր, որ վարչապետի պաշտոնում Նիկոլ Փաշինյանի ընտրության քվեարկությանը չի մասնակցելու: Վարդանյանն ընդգծել էր, որ ներկայացնում է կուսակցություն և խմբակցություն, որը կողմ քվեարկելու որոշում ունի, ուստի պատրաստ է վայր դնել մանդատը, եթե կուսակցությունն այդպես պահանջի:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
