«Բարեկամություն» պարախմբի տնօրենի թափուր պաշտոնի համար մրցույթ է հայտարարվել

ՀՀ մշակույթի նախարարությունը մրցույթ է հայտարարել «Հայաստանի պարարվեստի «Բարեկամություն» պետական համույթ» պետական ոչ առևտրային կազմակերպության տնօրենի թափուր պաշտոնը զբաղեցնելու համար։

Դիմողների համար մի շարք պարտադիր պայմաններ կան: Դրանցից են ՀՀ քաղաքացիությունը, բարձրագույն կրթությունը` արվեստի կառավարում (մենեջմենթ), պարարվեստ, պարարվեստի մանկավարժություն, պարարվեստի ռեժիսուրա, սոցիալ-մշակութային գործունեություն, իրավագիտություն, տնտեսագիտություն, կառավարում մասնագիտություններից որևէ մեկով, ձեռնարկատիրական կամ կառավարման ոլորտի առնվազն 3 տարվա կամ առնվազն 5 տարվա մասնագիտական աշխատանքային ստաժը, տվյալ պաշտոնում պարտականությունների կատարման համար անհրաժեշտ իրավական ակտերի իմացությունը, Հայաստանի պարարվեստի «Բարեկամություն» պետական համույթ պետական ոչ առևտրային կազմակերպության զարգացման հայեցակարգ, հիմնադրույթներ մշակելու կարողությունը: Լրացուցիչ պայմաններ են առնվազն մեկ օտար լեզվի իմացությունը, ֆինանսատնտեսագիտական գործունեության իրականացման կարողությունը, աշխատանքի կազմակերպման և ղեկավարման անհրաժեշտ հմտությունը և այլն: Մրցույթը կկայանա 2018 թվականի հունիսի 8-ին ՀՀ մշակույթի նախարարության աշխատակազմում:

Մրցույթին մասնակցել ցանկացողները նախարարության աշխատակազմ անձամբ պետք է ներկայացնեն հետևյալ փաստաթղթերը. դիմում մրցութային հանձնաժողովի անունով (լրացվում է փաստաթղթերը ներկայացնելիս), մասնագիտական գիտելիքների և աշխատանքային ունակությունների տիրապետումը հավաստող փաստաթղթերի /դիպլոմների, վկայականների, աշխատանքային գրքույկի կամ վերջիններիս բացակայության դեպքում համապատասխան մարմնից տեղեկանքի/ բնօրինակները և մեկական պատճենները, զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի բնօրինակը և պատճենը կամ համապատասխան տեղեկանք (միայն արական սեռի անձիք), 3X4 սմ չափսի մեկ լուսանկար, անձնագիրը և պատճենը, ինքնակենսագրություն, դիմողի կողմից լրացված՝ կադրերի հաշվառման թերթիկը, տեղեկանք մշտական բնակության վայրից, հրատարակված հոդվածների ցանկը և գիտական կոչումը հավաստող փաստաթղթերը (դրանց առկայության դեպքում), բնութագիր վերջին աշխատավայրից, Հայաստանի պարարվեստի «Բարեկամություն» պետական համույթ» պետական ոչ առևտրային կազմակերպության զարգացման` դիմողի կողմից մշակված հայեցակարգ: Փաստաթղթերն ընդունվում են ամեն օր (բացի շաբաթ և կիրակի օրերից), ժամը 14։00 -ից մինչև 17։00-ն: Դիմումների ընդունման վերջնաժամկետն է 2018 թվականի մայիսի 12-ը։