Չարենցավանում տան տանիք է այրվել

ՀՀ արտակարգ իրավիճակների նախարարության  «911» ծառայությունը մայիսի 2-ին, ժամը 14:24-ին տեղեկություն է ստացել, որ հրդեհ է բռնկվել Կոտայքի մարզի Չարենցավան քաղաքի Սարալանջ թաղամասի 2-րդ փողոցի տներից մեկի տանիքում:

Դեպքի վայր է մեկնել ՀՀ ԱԻՆ փրկարար ծառայության հրշեջ-փրկարարական ջոկատից երեք մարտական հաշվարկ, որոնցից երկուսն անհրաժեշտությունը վերանալու պատճառով վերադարձել են:

Հրդեհը մեկուսացվել է ժամը 15:14-ին, մարվել՝ 15:43-ին: 

Այրվել են տան տանիքի փայտե կառուցատարրերը (մոտ 100 քմ):

Հրդեհի հետևանքով տուժածներ չկան: