Սթիվեն Ջերարդը կգլխավորի շոտլանդական «Ռեյնջերս»-ը
Սպորտ
Անգլիական «Լիվերպուլ»-ի և Անգլիայհի ֆուտբոլի ազգային հավաքականի նախկին կիսապաշտպան Սթիվեն Ջերարդը նշանակվել է շոտլանդական «Ռեյնջերս» ակումբի գլխավոր մարզիչ: Այս մասին հայտնում է շոտլանդական ակումբի պաշտոնական կայքը:
Նշվում է, որ Ջերարդն ակումբի գլխավոր մարզչի պարտականությունները կստանձնի ամռանը: Նա «Ռեյնջերս»-ի հետ կնքել է 4 տարվա պայմանագիր:
«Ինձ համար մեծ պատիվ է դառնալ «Ռեյնջերս»-ի հաջորդ գլխավոր մարզիչը: Ահռելի հարգանք եմ տածում այս ակումբի, նրա պատմության և ավանդույթների հանդեպ: Անհամբերությամբ եմ սպասում, թե երբ եմ սկսելու այս նոր ճամփորդությունը «Ռեյնջերս»-ի հետ, որպեսզի ավելացնենք այն հաջողությունները, որն ակումբն ունեցել է»,- ասել է Ջերարդը:
Մայիսի 1-ին Գրեմ Մարտին հեռացվել էր «Ռեյնջերս»-ի գլխավոր մարզչի պաշտոնից:
ՈՒՂԻՂ ԵԹԵՐ
Ամենադիտված 
Ադրբեջանցին «Կեցցե Ադրբեջանը» երգը միացրած մեքենայով շրջում է Հայաստանում
