Ռուզաննա Ազիզյանին մեծ սիրով կտանեմ դատարան, նույն մեծ սիրով էլ ՇՊՀ-ի ռեկտորին դուրս կվռնդեմ համալսարանից

Կրթության փորձագետ Անահիտ Բախշյանի համոզմամբ՝ Երևանի թիվ 11 դպրոցում կատարվածը ևս մեկ անգամ փաստեց, որ հասարակության մեջ արթնացել է սեփական իրավունքի գիտակցումը և ծնողները սկսել են հասկանալ, որ իրենք կարող են պահանջատեր լինել:

«Դպրոցի տնօրենի հրաժարականից հետո դպրոցի Կառավարման խորհուրդը որոշել է առաջադրել տնօրենի նոր թեկնածու, ինչը կանխելու համար ստորագրահավաք է սկսել 404 ծնող, որոնց մեջ 70-ից ավելին ուսուցիչներ են: Այսօր վաղ առավոտյան ստորագրություններով գրությունը հանձնել ենք փոխքաղաքապետ Սուքիասյանին»,-ասաց Անահիտ Բախշյանը՝ նշելով, որ այս օրերին ստանում է բազմաթիվ գրություններ տարբեր դպրոցներում տեղի ունեցող անօրինությունների մասին:

«Իրականացրել ենք ուսումնասիրություններ. պարզվել է՝ ով ինչ ուզել՝ դասավանդել է, գումար է ստացել, հաջորդ ամիս դա վերադարձրել, եթե չի վերադարձրել՝ զրկվել է դասղեկությունից ու դրա համար վճարվող գումարից»,-ասաց Անահիտ Բախշյանը:

Վերջինս նկատեց, որ թիվ 11 դպրոցում կատարվողի շարունակությունն է տեղի ունենում նաև Շիրակի պետական համալսարանում. «Ես մեծ սիրով Շիրակի պետական համալսարանից դուրս կվռնդեմ ռեկտորին և նույն մեծ սիրով էլ Ռուզաննա Ազիզյանին կտանեմ դատարան»,-աաց Բախշյանը:

Հարցին՝ արդյոք դպրոցի հանրապետական տնեօրեններին նոր Կառավարության ձևավորումից հետո չեն փոխարինի ելքականներ ու «Քաղաքացիական պայմանագիր» կուսակցության անդամներ, Անահիտ Բախշյանը պատասխանեց. «Այդ դեպքում իմ ձեռքից չեն պրծնի: Ո՛չ դպրոցների կուսակցականացմանը»:  

Աղավնի Սուքիասյան