Մոնթե Մելքոնյանի դպրոցի տնօրենն արտագաղթե՞լ է (լուսանկար)
Հրապարակումներ
Այսօր սոցցանցերում տեղեկություն տարածվեց այն մասին, որ Մոնթե Մելքոնյանի անվան համար 11 դպրոցի արդեն նախկին տնօրեն Ռուզաննա Ազիզյանն արտագաղթել է ԱՄՆ: Օգտատերերից մեկը լուսանկար է հրապարակել և գրել.
«Երևանի Մոնթե Մելքոնյանի անվան համար 11 դպրոցի տնօրեն Ռուզաննա Ազիզյանն՝ արդեն Լոս Անջելեսի օդանավակայանո՞ւմ»:
ԼՈւՐԵՐ.com-ի թղթակիցը փորձեց կապ հաստատել նախկին տնօրենի հետ, բայց ապարդյուն, Ազիզյանի հեռախոսն անհասանելի էր:
Տեղեկությունը ճշտելու նպատակով ԵԼՔ-ի ավագանու անդամ Անահիտ Բախշյանն էլ ֆեյսբուքյան իր էջում գրել է.
«Թիվ 11 դպրոցի գործերի քննության պատասխանատու Մալաթիայի դատախազի տեղակալ պարոն Կոստանդյան, պահանջում ենք ստուգել այս տեղեկությունն ու հրապարակել արդյունքը»:
Հիշեցնենք՝ թիվ 11 հիմնական դպրոցի աշակերտներն ու ծնողները հավաք էին կազմակերպել՝ պահանջելով տնօրենի հրաժարականը, քանի որ տնօրենն անցել է պատժիչ գործողությունների այն ուսուցիչների և աշակերտների նկատմամբ, ովքեր մասնակցել են թավշյա հեղափոխության գործադուլին և հավաքներին:
Նշենք, որ Ռուզան Ազիզյանը Սերժ Սարգսյանի կուրսեցին է ելեղ և բազմիցս աջակցել է ՀՀԿ-ին՝ ընտրություններին ձայներ ապահովելով: Սակայն արդեն նախկին վարչապետ Սերժ Սարգսյանի հրաժարականից հետո, Ազիզյանը ազատվեց տնօրենի պաշտոնից:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
