Արսեն Ջուլֆալակյանը ևս մեկ հնարավորություն կստանա
ՍպորտՀունահռոմեական ոճի ըմբիշ, աշխարհի և Եվրոպայի չեմպիոն, Օլիմպիական խաղերի արծաթե մեդալակիր Արսեն Ջուլֆալակյանը կրկին հնարավորություն կստանա ցուցադրելու իր վարպետությունը:
Lրագրողների հետ զրույցում այս մասին հայտարարեց Հայաստանի հավաքականի գլխավոր մարզիչ Լևոն Ջուլֆալակյանը:
«77 կգ քաշային կարգում ունենք Արսեն Ջուլֆալակյան, ով լուրջ պատրաստվում է: Նա մասնակցել է մի շարք միջազգային մրցաշարերի թե անցած տարի, թե այս տարի: Կարապետ Չալյանի Եվրոպայի առաջնությունում սայթաքումներից հետո մենք պետք է մտածենք, որ այդ քաշային կարգում մեզ լուրջ մրցակցություն է պետք: Փոփոխություններ կլինեն բոլոր քաշային կարգերում, սակայն ժամանակը ցույց կտա, թե ինչպիսի»,-ասաց մարզիչը:
Ըմբշամարտի Հայաստանի 2018 թվականի առաջնության եզրափակիչում Կարապետ Չալյանը հաղթել էր Արսեն Ջուլֆալակյանին: Նա Օլիմպիական խաղերի արծաթե մեդալակրին գերազանցել էր նաև Կիևի միջազգային մրցաշարում: Հենց այդ պատճառով էր Եվրոպայի առաջնությունում Հայաստանը ներկայացնում Չալյանը:
ՈՒՂԻՂ ԵԹԵՐ
Ամենադիտված 
Ադրբեջանցին «Կեցցե Ադրբեջանը» երգը միացրած մեքենայով շրջում է Հայաստանում
