ՀՖՖ-ի որոշումը ապօրինի է. Շիրակի հայտարարությունը

Գյումրու «Շիրակ» ֆուտբոլային ակումբը կրկին հայտարարությամբ  է հանդես եկել:

Հայտարարությունն ամբողջությամբ՝ ստորև.

««Շիրակ»-ը երեկ ՀՖՖ-ից ստացել էր գործին վերաբերվող բոլոր փաստաթղթերն՝ այդ թվում ձայնագրությունը և տեքստային հաղորդագրությունների լուսանկարները: Ի դեպ, նշենք, որ պարոն Սինոյանի հայտարարությունում նշված տեսագրությունն ընդհանրապես գոյություն չունի։ Մեր իրավաբանները, մանրամասն ուսումնասիրելով բոլոր ապացույցները և փաստաթղթերը, ևս մեկ անգամ համոզվեցին, որ ՀՖՖ որոշումը ապօրինի է:

Երկուշաբթի «Շիրակը» բոլոր փաստաթղթերը կներկայացնի բողոքարկման կոմիտե։ Հուսով ենք, որ կոմիտեն կցուցաբերի ողջախոհություն և նիստը կանցկացնի բաց ֆորմատով՝ հրավիրելով նախ բոլոր կողմերին, ինչպես նաև լրագրողներին»։