Պուտինը եւ Փաշինյանը Սոչիում քննարկելու են տարածաշրջանային անվտանգության հրատապ հարցերը

 Ռուսաստանի նախագահ Վլադիմիր Պուտինը եւ Հայաստանի վարչապետ Նիկոլ Փաշինյանը մայիսի 14-ին Սոչիում Եվրասիական բարձրագույն տնտեսական խորհրդի նիստի շրջանակում կքննարկեն տարածաշրջանային անվտանգության հրատապ հարցերը:

Այս մասին, ինչպես հաղորդել Է ՏԱՍՍ-ը, լրագրողներին հայտարարել Է ՌԴ նախագահի օգնականի պաշտոնակատար Յուրի Ուշակովը: 

«Սպասվում Է, որ Սոչիում առաջիկա բանակցությունների ընթացքում կքննարկվեն երկկողմ օրակարգի հանգուցային հարցերը, ինչպես նաեւ տարածաշրջանային անվտանգության մի քանի հրատապ հարցեր»,-ասել Է նա: Դա, Ուշակովի խոսքով, կլինի երկու երկրների ղեկավարների առաջին հանդիպումը Հայաստանում տեղի ունեցած փոփոխություններից հետո:

Ուշակովը նշել Է, որ «միջազգային ու տարածաշրջանային օրակարգի հարցերի շուրջ Ռուսաստանի եւ Հայաստանի դիրքորոշումները մոտ են կամ համընկնում են»: «Երկու երկրների ԱԳ նախարարությունների գծով ինտենսիվ շփումները նպաստում են համակարգմանը արտաքին քաղաքական ոլորտում, այդ թվում՝ ՄԱԿ-ի, Եվրասիական տնտեսական միության, ԱՊՀ-ի, ՀԱՊԿ-ի, ԵԱՀԿ-ի եւ բազմակողմ այլ կազմակերպությունների շրջանակում»,-հավելել Է նա: Կրեմլի ներկայացուցիչը նաեւ հիշեցրել Է, որ Ռուսաստանը ԵԱՀԿ-ի Մինսկի խմբի երկու այլ համանախագահների՝ ԱՄՆ-ի եւ Ֆրանսիայի հետ միասին «ակտիվ միջնորդական դեր Է խաղում Լեռնային Ղարաբաղի հակամարտության խաղաղ կարգավորման գործում»: