Մալայզիայի նախկին վարչապետի տանից ոստիկանությունը 72 ճամպրուկ փող և արժեքավոր իրեր է հայտնաբերել (տեսանյութ)

New Straits Times-ի փոխանցմամբ, Մալայզիայի ոստիկանությունը հետաքննություն է իրականացրել նախկին վարչապետ Նաջիբ Ռազակի երկու տներում և գրասենյակում: 

Կոռուպցիայի դեմ պայքարի շրջանակներում նախկին վարչապետ Նաջիբ Ռազակի տնից առգրավել է փողերով, ոսկեղենով և այլ արժեքավոր իրերով 284 պայուսակ և 72 ճամպրուկ։

Քննիչները հաստատում են, որ Նաջիբի կողմնակիցները գողացված 4.5 միլիարդ դոլար են լվացել, որի մի մասը փոխանցվել է Նաջիբի բանկային հաշվին։

Նախկին վարչապետին և տիկնոջն արգելվել է դուրս գալ երկրից:

Հիշեցնենք, որ Նաջիբը պարտվել էր ընտրություններում և իշխանության է եկել 1982-2003 թվականներին երկիրը կառավարած  92-ամյա Մահաթհիր Մոհամադը: