Փաշինյանը ուրախ լուր ունի վարորդների համար
Հայաստան
Հայաստանի վարչապետ Նիկոլ Փաշինյանը խոստանում է արագաչափերի և տեսախցիկների արձանագրած ճանապարհային երթևեկության կանոնների խախտման տուգանքների համաներում իրականացնել: Վարչապետը նման հայտարարությամբ հանդես եկավ ՀՀ նախագահական նստավայրում կառավարության անդամների երդմնակալության արարողությունից հետո լրագրողների հետ հանդիպման ընթացքում: «Տուգանքների համաներում մենք անպայման պետք է անենք»,- նշեց Փաշինյանը:
Անդրադառնալով արագաչափերի և ճանապարհային տեսախցիկների գործունեությունը ժամանակավորապես կասեցնելու վերաբերյալ իր առաջարկին՝ վարչապետն ընդգծեց, որ ինքն առաջարկել է դիտարկել դրանց գործունեությունը ժամանակավորապես կասեցնելու հնարավորությունը և նշեց, որ այդ հնարավորությունը կդիտարկվի նաև վերջին մեկ շաբաթվա ընթացքում ճանապարհատրանսպորտային կարգապահության վիճակագրության ստուգմամբ:
«Եթե տեսնենք, որ ճանապարհային երթևեկության կարգապահության վիճակագրությունը վերջին մեկ շաբաթվա ընթացքում վատթարացման միտումներ է դրսևորել, մենք կանենք եզրակացություններ, եթե չի վատթարացել, էլի կանենք եզրակացություններ: Այդ հայտարարության շարունակությանը մենք կանդրադառնանք այդ հայտարարությունից հետո ճանապարհային երթևեկության կարգապահության վիւճակագրությունը հասկանալուց հետո»,- ասաց նա:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
