Բոլոր մարզպետները փոխվելու են. նախարար
Քաղաքական
Առաջիկայում կնշանակվեն մարզպետները, բայց այս պահին դեռ ոչ մի նորություն չկա: Այս մասին այսօր՝ մայիսի 24-ին, կառավարության շենքի մոտ լրագրողների հետ զրույցում նշեց Տարածքային կառավարման և զարգացման նախարար Սուրեն Պապիկյանը:
«Վարչապետը Սահմանադրությամբ իրեն տրված լիազորությունների շրջանակում կառավարությանը կներկայացնի կազմը»,- ասաց նա:
Հարցին՝ տարօրինակ չի՞ համարում, որ ՀՀԿ-ական մարզպետները մինչև հիմա հրաժարական չեն տվել, գուցե չե՞ն համակերպվել իրողության հետ, նախարարը պատասխանեց.
«Տարօրինակ ոչինչ չկա, ինչո՞ւ չպետք է համակերպվեն մի իրավիճակի հետ, որն արդեն դե յուրե ամրագրված է: Մինչ այս պահը իրենք շարունակում են պաշտոնավարել, որովհետև եղել են մարզպետներ, հիմա եթե որոշումներ կլինեն իրենց փոխելու՝ կփոխենք»,- ասաց Պապիկյանը:
Քննարկումներ կա՞ն մյուս երկու ուժերի՝ ՀՅԴ-ի և ԲՀԿ-ի հետ, որպեսզի իրենց ներկայացուցիչներից էլ լինեն մարզպետներ հարցին ի պատասխան՝ նախարարը նշեց, որ այս պահին ոչ մի որոշում չկա:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
