Կարո Եղնուկյանը գրավի դիմաց ազատ կարձակվի

Քիչ առաջ դատարանը հրապարակեց իր որոշումը՝ Կարող Եղնուկյանին ազատ արձակել 10 միլիոն դրամ գրավի դիմաց:

Նման որոշում կայացրեց դատավոր Արտուշ Գաբրիելյանը։

Դատավորը մերժեց Կարո Եղնուկյանի խափանման միջոցը ստորագրությամբ փոխարինելու՝ պաշտպան Տիգրան Հայրապետյանի միջնորդությունը։

Կարո Եղնուկյանը ազատ կարձակվի այն ժամանակ, երբ 10 մլն դրամը փոխանցված կլինի դատարանի դեպոզիտային  հաշվին։

Հիշեցնենք, որ այսօր «Սասնա Ծռերի» գործով դատավարության ժամանակ Կարո Եղնուկյանի պաշտպանը միջնորդություն է բարձրացրել նրա խափանման միջոցը փոխելու վերաբերյալ:

Գործով ներգրավված դատախազն  առարկել էր խափանման միջոցը վերացնելը, սակայն  նշել է, որ կարելի է քննարկել գրավի դիմաց ազատ արձակելու հարցը:

Հիշեցնենք, որ Կարո Եղնուկյանը մեղադրվում էր  «Սասնա Ծռերին» աջակցելու համար: Մասնավորապես, մեղադրանք էր առաջադրվել  քրեական օրենսգրքի 218  և 219 հոդվածներով՝ պատանդ վերցնելուն, շենքեր, շինություններ, տրանսպորտի, հաղորդակցության կամ կապի միջոցներ զավթելուն աջակցելու համար: