Սամվել Առաքելյան, հեռացի՛ր, Արտակ Ցուցուլյան՝ արի՛

Իջևանում տևական ժամանակ է՝ բարձրացված է ԵՊՀ Իջևանի մասնաճյուղի տնօրեն Սամվել Առաքելյանի  հրաժականի հարցը, ով  երեկ՝ մայիսի 24-ին,  ուսանողների հետ հանդիպման ժամանակ հրաժարական տալու պատրաստակամություն էր հայտնել: Պաշտոնական հայտարարությունն, ակնկալվում էր, որ կլինի այսօր:

Լուրի իսկությունը պարզելու համար կապ հաստատեցինք ԵՊՀ Իջևանի մասնաճյուղի հետ, որտեղից տեղեկացրին, որ Սամվել Առաքելյանը աշխատանքային այցով Երևանում է, իսկ ԵՊՀ-ի հասարակայնության հետ կապերի բաժնից ասացին, որ ԲՈՒՀ-ի ռեկտորատը մինչ այս պահը Սամվել Առաքելյանից չի ստացել հրաժականի դիմում, թեպետ քննարկվող լուրերին և իրավիճակին ծանոթ են:

Ի դեպ, ԲՈւՀ-ում արդեն տեսնում են Սամվել Առաքելյանին այս պաշտոնում փոխարինողին: ԼՈւՐԵՐ.com-ի թղթակցի հետ զրույցում ակտիվիստ, ԵՊՀ Իջևանի մասնաճյուղի նախկին ուսխորհրդի նախագահ Արթուր Մուրադյանն ակնարկեց, որ իրենք այդ պաշտոնում տեսնում են  նույն ԲՈՒՀ-ի դասախոս Արտակ Ցուցուլյանին, ով, ըստ  նրա, վայելում է համընդհանուր համակրանք:

Նշենք, որ ուսանողները Սամվել Առաքելյանին մեղադրում էին ԲՈՒՀ-ում տիրող կոռուպցիոն մթնոլորտի, անարդար կառավարման, տարիներ շարունակ կադրային փոփոխություներ չկատարելու կամ դասախոսական կազմը Հանրապետական կուսակցության անդամներով համալրելու մեջ: Ինքը՝ Առաքելյանը, Հանրապետական կուսակցության Իջևանի քաղաքային խորհրդի նախագահն է: