Հնդկաստանում ավանակների հոտին բանտ են նստեցրել

Հնդկական Ուտար–Պրադեշ նահանգի Ջալաուն քաղաքում իրավապահները խստորեն պատժել են ավանակների հոտին՝ նրանց չորս օրով բանտ նստեցնելով։ Պարզվել է, որ բանտերից մեկի ավագ սպան թանկարժեք բույս է գնել և այն տնկել է հաստատության տարածքում։ Դրանից հետո ոստիկանը խիստ զգուշացրել է տեղի ավանակներ պահող հովվին, որ նա հոտը դեպի այդ կողմ բաց չթողնի՝ առանց հետևելու։ Վերջինս սակայն չի պահել խոսքը և կենդանիներին դեպի այդ կողմ է ուղարկել արածելու։ Նրանք էլ կերել են թանկարժեք բույսերը։

Իրավապահները կենդանիների հետ շատ խիստ են վարվել, նրանք ամբողջ հոտը բանտ են նստեցրել։

Ավանակները չորս օր մնացել են բանտում և ազատ են արձակվել միայն տեղի քաղաքական գործիչներից մեկի միջամտությունից հետո, որը կենդանիների համար գրավ է վճարել։