«Լուսավոր Հայաստան»-ի մութ կողմերը
Վերլուծական
Ազգային ժողովի «Ելք» խմբակցության պատգամավոր Էդմոն Մարուքյանը անդրադարձ է կատարել ՌԴ կողմից հայ վարորդներին վարորդական իրավունքից զրկելու գործընթացին և հայտարարել, որ այդ դեպքում ԵԱՏՄ-ում մնալը Հայաստանի համար դառնում է անիմաստ: Վարչապետ Նիկոլ Փաշինյանի մոտեցումները ԵԱՏՄ կազմում մնալ-չմնալու վերաբերյալ հայտնի են՝ Հայաստանը կշարունակի մաս կազմել եվրասիական տնտեսական միությանը, սակայն ավելի հստակ կձևակերպի իր պահանջները և ակնկալիքները այս կառույցից:
Սա ԵԼՔ-ի մաս կազմող ուժերից մեկի կողմից առաջին բացահայտ անհամաձայնությունն է Փաշինյանի վարած արտաքին քաղաքականության հետ: Մի կողմից հասկանալի է, որ եվրոպամետ «Լուսավոր Հայաստանը» պետք է փորձեր պահել իր արևմտամետի ամպլուան, սակայն մյուս կողմից էլ Մարուքյանի թիմի համար այս պահին ավելի կարևոր պետք է լինի ներքաղաքական զարգացումներում սեփական դեմքն ու տեղը պահելը:
Հատկապես, որ Մարուքյան եբայրները նոր իշխանություննության մաս կազմելով, այնուամենայնիվ, մնացել են քաղաքական կյանքի լուսանցքում՝ չստանալով ոչ մի լուրջ քաղաքական պաշտոն:
Դա է պատճառը, որ Մարուքյանն այս անգամ զերծ մնալով հոդվածներ ձոնելուց, որոշել է թիրախավորել Փաշինյանի արտաքին քաղաքականությունը: Ընտրությունն էլ հասկանալի է, Փաշինյանի ներքին քաղաքականությունը հասարակության լայն շրջանակների վստահությունն ու աջակցությունն է ստացել և Մարուքյանը որևէ կերպ չի ցանկանա որպեսզի քննադատության սլաքները ուղղվեն իր դեմ: Բացի այդ հետաքրքիր էր նաև Մարուքյանի խոսքի տողատակը՝ ըստ նրա անցյալ տարի մեծապես իր ջանքերի շնորհիվ էր, որ ՌԴ-ում համապատասխան օրենքի փոփոխությունները մեկ տարով հետաձգվեցին: Ստացվում է, այն հարցում որում հաջողել էր Մարուքյանը, Փաշինյանը ձախողեց:
Իհարկե, այս պնդումը անչափ հեռու է իրականությունից: Մեկ տարի առաջ Կրեմլը գնաց որոշակի զիջումների չցանկանալով հավելյալ խոչընդոտներ ստեղծել իր դրածո Կարեն Կարապետյանի համար: Այսօր ՀՀ կառավարությունում դրածոներ չկան, հետևաբար ռուսական կողմը մեզ լավ աչքով նայելու որևէ պատճառ չունի: Մարուքյանն այսքանը շատ լավ հասկանում է, սակայն ինչպես ասում են՝ աղվեսի դունչը խաղողին չի հասնում, ասում է՝ խակ է…
Ստելլա Խաչատրյան
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
